Taitasi 2:3 - The Keyagana NT and 25 OT books

³ Ani kava huka anekalo aʼneʼaifeʼmo alika apaya malegeʼapao aniʼmo neteʼa negi gemo osuge hosu faigoko gemo osuge huteʼa alagepa huʼa yagaiʼa neʼapataya yahauve aʼnegana huʼa maiyo. Apakaemo alagepa gemo venemo aʼne anagaʼaifeʼmo aliʼa apaya malegeʼapao

Taitasi 2:3 ပူးပေါင်းရင်းမြစ်များ

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

Lomu 16:2

Agaemo asole vayaʼe nagaeʼeʼmo laha maeʼniyaʼmofeʼmo lapakaemo na yaʼmo ha maetapa amisaya yaʼmo haneʼnisifi afaʼa ha maetapa amiyo. Apaote vayaʼmogi nehaya agufa alagepa kavaʼmo hutapa Ala kava neʼmo agiʼalefeʼmo alita falu fala hutapa ateteta yagaitapa ateyo.

Efasasi 5:3

Kumai kavaʼmo osuge muki oʼaniʼya kavaʼmo osuge lapaʼye osuge hutetapa Goti apaote vayaʼamogi hisaya agufa kavakeʼmo hiyo. Fiku kavanagetapa lapakae folagapiʼmo magoke afinaʼmo ani agufa hosu kavaʼmo agimo aegae. Goti apaote vayaʼmogi osisaya agufa kavaʼmo haneʼniye.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

1 Timoti 3:8

Ani kavaʼmo huʼa mono aliʼyaʼmo neʼaliya nikeni vayaʼmogimo alagepa huʼa neʼyagaiya yahauve vayaʼmo maigae. Lole gemo osuno magoke gemo huteno lusi aniʼmo neteno negi nagi osuno monieʼmo haʼye nosisiya vekamoʼmo maigiye.

1 Timoti 5:23

Kagaemo kaipa kagafuʼmo kige kaitaʼmo kahauge nehigekaeʼmo anilafaʼageʼmo oʼneka nofi alagafati aniʼmo aiseʼamo lakiteka no.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

Taitasi 2:4

afiteʼapaeʼmo anauʼapimogiʼe mafaʼneʼapiʼefeʼmo hapau apayamopafiʼmo hapaino.

Himulu 5:12

Yatala afinaʼmo Goti geʼamo ago afiʼnayaʼmofeʼmo aliʼa apaya neʼmalaya vayaʼmo maisaya yaʼmo haneʼniyaʼmonanafa Gotiʼa geʼamo aepa faiʼniya gemo magoʼe huʼa aliʼa lapaya malesaya kavaʼmo haneʼniye. Lapakaemo lokiya neʼyaʼmo afaʼa oʼnetapa nuʼageʼmo nesaya agufa kavaʼmo haneʼniye.

Leveleseni 2:20

Maiʼnayaʼmonanafa mago gemo aliʼna api aiʼna lapatesuva gemo haneʼniye. Lapakaefeʼmo mago a kanomo Yesemeliʼa, Gotitegati gemo aliniʼneʼna aeʼna hakalo huʼna hapa nepauva a kanomo maiʼnove, huno nehiya a kanomo alitapa ha faita oʼataletapa afaʼa ateʼnae. Agaemo alino apaya maleteno apayate aliʼnigeʼapaeʼmo aliʼyaʼnimo neʼaliya vayaʼmogimo kumai kavaʼmo huteʼapaeʼmo aigofe gotiʼapimogi neʼapamiya ofalini neʼyaʼmo neʼnae.