Taitasi 2:2 - The Keyagana NT and 25 OT books

² Kosuna vayaʼaifeʼmo hapa paigeʼapao hapauʼniya kavateʼmo alagepa huʼa yagaiʼa atege alagepa huʼa yagaiʼa neʼapataya yahauve vayakana huʼa maige apaipa apakesaleʼmo alagepa huʼa yagaiʼa atege aigofeʼmo osuʼa lokiya vaiʼa apakesamo afiʼa fatago huge hapau apayamopafiʼmo hapauge atafauʼa alagi huʼa maige hiyo.

Taitasi 2:2 ပူးပေါင်းရင်းမြစ်များ

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Mai'naya kavane 16:31

Kosuna vekamoʼmo fatago kavaʼmo nehisiyaʼmoʼmo lui ayokamoʼa ha le konali kini kakolitagana huno haneʼniye.

Aiyeya 65:20

Nute mafaʼne anagaʼmo nute mafaʼnemo maiʼnaya afiʼnamo magoʼe huʼa ofaligae. Ina kava huʼa muki kosuna vayaʼmo yatala afinaʼmo maigae, huno apamiʼniya afinaʼmo maigae. Neya vekamoʼmo vani hataletiʼa kafugamo maiteno falisiyaʼmoʼmo vayaʼmogi apakesamo afiʼapaeʼmo, Malage huno faliʼniye, huʼa apakesamo afigae. Apakesamo afigayaʼmonanafa hosu vayaʼmo vani hataletiʼa kafugamo maiteʼa falisayaʼmoʼmo vayaʼmogimo huʼapaeʼmo, Gotiʼa lifana huno apateʼniya kavane, huʼa hugae.

Maki 5:15

Apakaemo Yesutega eʼa agayana hosu apaune vayaʼmo aipafatiʼmo alino hapafaitaleʼniya vekamoʼmo kukena yaʼmo vaiteno mopafiʼmo fai maiʼnigeno agesamo aino halo aiʼnigeno maiʼnigeʼa eʼa ageteʼapaeʼmo koli huʼnae.

Luki 8:35

Muki vayaʼmogi ani kavafeʼmo ava gemo afiteʼapaeʼmo agesayafeʼmo Yesutegamo uʼa agayana hosu apaune vayaʼmo ago ataleʼa uʼnaya vekamo agesamo aino halo aiʼnigeno kukena yaʼmo vaiteno Yesu aiyafiʼmo maiʼnigeʼa ageteʼapaeʼmo apamoʼya aiʼniye.

Apa 24:25

Poloʼa alagepa kavafeʼmo ava gemo huno ha paige vayaʼmogimo apakaiʼapi apakufaleʼmo apamete apamete huʼa yagaisaya kavafeʼmo ava gemo huno ha paige Gotiʼa agoti huno apatesiya kavafeʼmo ava gemo huno ha paige nehigenoʼaeʼmo Filikisiʼa koli huteno, Afaʼa ateka uvo. Henagaʼamo maiʼneʼna gekamo afiguve, huʼna hisuva afinaʼmo ge hisugeka eka naha paigane, huno ha paiʼniye.

Lomu 12:3

Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

1 Kolitiyani 9:25

Muki alu yokalo alu yokaloʼamo nelaya vayaʼmogimo aeʼa apakasesayafeʼmo alu kava alu kavaʼmo huteʼa apakufaleʼmo yagaiʼa neʼapatae. Apakaemo kasalisiya yaʼmo alisayafeʼmo ani agufa kavaʼmo nehayaʼmonanafa lagaemo okasalino hanege hanege huno hanesiya hetamatimo alisunafeʼmo laya mukiki nehune.

2 Kolitiyani 5:13

Vayaʼai apaulagaleʼmo negi kavaʼmo nehisunana Gotitefeʼmo nehugune. Api kavaʼmo nehisunana lapakaetefeʼmo nehugune.

Galesiya 5:23

yagu yaga huʼa maige apaipa apakesaleʼmo alagepa huʼa yagaiʼa atege huʼa neʼmaiya kavaʼmo haneʼniye. Magoke keʼaepa gemoʼa mani kavaʼmo osiyo, huno huʼniya gemo ohaneʼniye.

Filipai 4:8

Konagaʼnimogitapae, huʼna, geʼnimo huʼna hano hisuvafeʼmo huʼnaeʼmo, lapakaemo muki alagepa kavaʼe ala apakiʼapimo neʼapamiya kavaʼefeʼmo lapakesamo afifi hutapa maiyo. Lama ge kavanagi ani kavatefeʼmo agiʼaleʼmo aliʼa asaga huʼa neʼataya kavanagi fatago kavanagi oʼaniʼya ofaiʼniya kavanagi kanale kavanagi ala agiʼamo haneʼniya kavanagi hutapa lapakesa afifi hutapa maiyo.

1 Tesaloniyani 5:6

Maiʼnonaʼmofeʼmo mago vayaʼmo apau kaleʼa neʼmaiya kava huta lagaemo lau kaleta oʼmaita laipa lagesaleʼmo yagaita lateteta maigetao.

1 Tesaloniyani 5:8

lagaemo feluga umenitata nehaya vayakana huta laipa lagesaleʼmo yagaita lategetao. Ati vayaʼmogimo kame vayaʼapimogimo ohapaesayafeʼmo lokiya aeni siotimo neʼvaiya kava huta lagesamo afita fatago nehuta lahau layamopafiʼmo lahaino. Ati vayaʼmogi lokiya aeni kakolitamo neʼmalaya kava huta Gotiʼa lagufamo alino katino latesiyafeʼmo agava maiʼneta lavayagunagu huta maigetao.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

1 Timoti 1:2

Kagesamo afika fatago nehana mafaʼneʼnimo lama ge Goti mafaʼneʼamo Timotigaeʼmo mani avoʼmo nekaove. Afotimo Gotiʼe Ala kava neʼmo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

1 Timoti 1:5

Kagaemo hapa paisanageʼa afiteʼapaeʼmo hapau apayamopafiʼmo hapausiyafeʼmo hapa paiyo, huʼna ago kaha paiʼnove. Inagi hapau apayamopafiʼmo nehapaiya kavaʼmo yaveyave apaipafatiʼmo afole aige alagepa huno alino fako huno neʼapateya apakupi mafaʼnefatiʼmo afole aige lama ge huʼa apakesamo afiʼa fatago nehaya kavatetiʼmo afole aige nehiye.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

1 Timoti 3:2

Ani vayatama vekamo vaiʼmo noʼamisageno afaʼa neʼmaisiya vekamoʼmo magoke aʼmo aliʼnisiya vekamokeʼmo maigiye. Agufaleʼmo alagepa huno yagaino atege aipa agesaleʼmo alagepa huno yagaino atege alagepa kavaʼmo huge nata vayaʼaiteʼmo alagepa huno yagaino apatege afaʼa alino apaya malege nehiya vekamokeʼmo maigiye.

1 Timoti 3:4

Agaemo afamo anagaʼaleʼmo alagepa huno yagaino apateteno mafaʼneʼamo muki kavatefeʼmo alagepa kavatetiʼmo alino aiyafiʼmo apatesiya kavaʼmo haneʼniye.

1 Timoti 3:8

Ani kavaʼmo huʼa mono aliʼyaʼmo neʼaliya nikeni vayaʼmogimo alagepa huʼa neʼyagaiya yahauve vayaʼmo maigae. Lole gemo osuno magoke gemo huteno lusi aniʼmo neteno negi nagi osuno monieʼmo haʼye nosisiya vekamoʼmo maigiye.

1 Timoti 5:1

Kagaemo alopa vayaʼaifeʼmo lokiya gemo osuka afokamofeʼmo ha nepaina agufa gemo huka hapa paiteka alika api aika apato. Konagakamogifeʼmo hapa nepaina agufa gemo huka neya vayaʼaifeʼmo hapa paiteka alika api aika apato.

Taitasi 1:13

Ani vekamoʼmo lama gemo huʼniyaʼmofeʼmo kagaemo lokiya ge huka hapa paigeʼapao apakesamo afiʼa fatago huʼnaya kavaʼapimo kaita haugekana huno ohaneno alagepa huno lokiya vaino haneno.

Taitasi 1:8

Oʼmaigayaʼmonanafa nata vayaʼaiteʼmo alagepa huʼa yagaiʼa apatege alagepa kavafeʼmo hapauge alagepa apaipa apakesaleʼmo yagaiʼa atege fatago kavaʼmo huge apaote kavaʼmo huge hapauʼniya kavateʼmo yagaiʼa atege huʼa maiʼnisaya vayaʼmogigeʼmo maigae.

Taitasi 2:7

Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

Failimoni 1:9

kahau kayamopafiʼmo kahauʼniya kavaʼmoʼmo alino he tino katesiyafeʼmo nahauʼnigeʼnaeʼmo ge huʼna nekatove. Nagaemo Poloʼnamo kosuna leteʼna Yesu Kalaisi agiʼalefeʼmo kalavusifiʼmo maiʼneʼnaeʼmo

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

2 Pita 1:6

Agetetapa afiʼnaya kavaʼmo aliʼnetapaeʼmo anileʼmo lapakufaleʼmo yagaitapa ateyo. Lapakufaleʼmo yagaitapa ateʼnetapaeʼmo anileʼmo oʼataleta atafautapa alagi hiyo. Oʼataleta atafautapa alagi hutapa maiʼnetapaeʼmo anileʼmo Gotifeʼmo mono hiyo.