Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Taitasi 2:12 - The Keyagana NT and 25 OT books

12 Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

အခန်းကိုကြည့်ပါ။ ကော်ပီ




Taitasi 2:12
59 ပူးပေါင်းရင်းမြစ်များ  

Geʼamo afiteʼa keʼaepa geʼamo akame hisayafeʼmo ani kavaʼmo huʼniye. Ala kava neʼmo agiʼaleʼmo alita asaga huta ateyo.


Lapakaemo ani kavaʼmo nehayaʼmonanafa afigae. Ala kava neʼmoʼa agaetefeʼmo alagepa kavaʼmo nehisaya vayaʼmo agaiʼalefeʼmo alino apaote apateʼniye. Nagaemo agaefeʼmo keya aeʼna ge hisugeno Ala kava neʼmoʼa afigiye.


Mago vayaʼmogi Vemo mafaʼneeʼmo huʼa faipa huʼa atesaya hosu kavaʼapimo afaʼa alino atalegaiyaʼmonanafa aote Aunemeʼaeʼmo huʼa faipa huʼa atesaya hosu kavaʼapimo hemenimo alino oʼatalege afole aisiya afinaʼmo alagi alino oʼatalege hugiye.


Huno ha paiteno Yesuʼa geʼamo neʼafiya vayaʼaifeʼmo hapa painoʼaeʼmo, mago vekamoʼmo nakame hisiyafeʼmo hauʼnisiyana agaiʼamo hauʼnisiya kavaʼmo ataleno agaiʼa malipu yosaʼamo alino kofilino nakame hino.


Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.


Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.


Ma mopafi vayaʼaiteʼmo yagaino neʼapateya vekamo ago neʼeyaʼmofeʼmo yatala gemo lapa opaiguve. Ago neʼeyaʼmonanafa agae yaʼmo naipafiʼmo ohaneʼniyaʼmofeʼmo afaʼa yagaino oʼnategaiye.


Ani kotuʼmo mugagaya faligamo lakaeʼuʼa avaʼyi huteʼa Yesuʼmo maiʼnigeʼa ageteʼapaeʼmo, Tisao, huʼa, hainu afinaʼmo manileʼmo eka maiʼnane, huʼa afi geʼnagenoʼaeʼmo


Nagaemo Goti aulagaleʼe ma mopafi vayaʼai apaulagaleʼeʼmo yuʼilaga vekaʼnimoʼa agoti huno oʼnatesiyafeʼmo nayamukiki huʼna alagepa kavaʼmo nehuve.


Poloʼa alagepa kavafeʼmo ava gemo huno ha paige vayaʼmogimo apakaiʼapi apakufaleʼmo apamete apamete huʼa yagaisaya kavafeʼmo ava gemo huno ha paige Gotiʼa agoti huno apatesiya kavafeʼmo ava gemo huno ha paige nehigenoʼaeʼmo Filikisiʼa koli huteno, Afaʼa ateka uvo. Henagaʼamo maiʼneʼna gekamo afiguve, huʼna hisuva afinaʼmo ge hisugeka eka naha paigane, huno ha paiʼniye.


Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.


Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.


Alagepa hutapa oʼafisaya agufa vayaʼmo maiʼnayaʼmofeʼmo ma mopafi kavafeʼmo aeʼna kalafefa gemo nehuve. Lapakaemo hogotetapa lapakufafi haneʼniya alu ya alu yaʼatapimo hosu kavaʼmo ayapiʼmo maletetapa kalavusi aliʼyaʼamo neʼaliya vayaʼmo maiʼnetapaeʼmo hosu kavaʼmo huge Goti geʼamo amagitapa atalege hutapa maiʼnaya kava hutapa hemenimo lapakufafi haneʼniya alu ya alu yaʼatapimo alita Goti ayapiʼmo maletetapa fatago kavaʼmo hutapa kalavusi aliʼyaʼamo neʼaliya vayaʼmo maigenoʼao lapaote kavatapimo afole aino.


Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.


Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.


Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.


Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.


Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.


Akeyaʼvilagamo ma mopamo alo osuʼniya afinaʼmo Goti aulagaleʼmo laote vayaʼamo maiʼnisunagenoʼaeʼmo hosu kavatimo alagi ohanesiyafeʼmo Kalaisipiʼmo maiʼnaya vayane, huno lekana paino lateʼniye.


Ma mopafi hosu kavaʼmo akame huge ala vekamo kokuʼnaʼe mopaʼeʼmo hanetegeno folagate neʼmaiya vekamoʼmo hosu enisole vayaʼaiteʼmo yagaino neʼapateya vekamo geʼamo akame huge huʼnae. Agaemo Goti geʼamo amagiʼa neʼatalaya vayaʼai apaipafiʼmo aliʼyaʼmo neʼaliya aune vekamo maiʼniye.


Lapaote vayaʼamo maisageno hosu kavatapimo alagi ohanesigetapa vaiʼmo oʼalisayafeʼmo Mafaʼneʼamoʼmo agufamo aliteno faliʼniya kavatetiʼmo Goti aulagaleʼmo alino he tino lapategaiye.


Ani kavatefeʼmo Gotiʼa kumai heʼa ugekana agufa kavaʼmo hisunafeʼmo keya aeno ge osuʼnifa laote alagepa kavaʼmo hisunafekeʼmo keya aeno ge huʼniye.


Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.


Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.


Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.


Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.


He, muki vayaʼmo Yesu Kalaisipiʼmo maiʼneʼapaeʼmo Gotitefeʼmo alagepa kavaʼmo nehisaya vayaʼaifeʼmo apaini huʼa apategae.


Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.


Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.


Ani afinaʼmo muki ala apaki vayaʼe aise apaki vayaʼmogiʼeʼmo nagaemo nageʼa alagepa hugayaʼmofeʼmo muki vayaʼamogimo apao vayaʼe konagaʼapimogiʼeʼmo, Ala kava neʼmo agetapa aeto hiyo, huʼa aliʼa apaya oʼmalegae.


Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.


Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.


Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.


Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.


Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.


Lagaemo ago ageʼnonana Goti mafaʼneʼamo maiʼnonaʼmonanafa muki ma mopafi vayaʼmogimo hosu vekamo aiyafiʼmo maiʼnageno yagaino neʼapate.


Apakaemo, mago vayaʼmogimo henagaʼamo Goti geʼaeʼmo kigi huteʼa mono osuʼa apakufamoʼmo hauʼniya kavakeʼmo hugae, huʼa ago lapa paiʼnae.


Huno huʼniyaʼmofeʼmo apaote vayaʼmogi Goti keʼaepa geʼamo akame huteʼa Yesuʼmo oʼataleʼa agaefeʼmo apakesamo afiʼa fatago nehaya vayaʼmogimo oʼataleʼa lokiya vaiʼa maiyo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ