Taitasi 1:15 - The Keyagana NT and 25 OT books

¹⁵ Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Taitasi 1:15 ပူးပေါင်းရင်းမြစ်များ

Mai'naya kavane 21:4

Aliʼa afepi apatesaya agufa kavanagi apakiʼapileʼmo aliʼa asaga huʼa neʼataya kavanagi hosu vayaʼmogimo hoyamo aiʼyumo neʼaiya kavanagi huno hosu kavaʼmo haneʼniye.

Mai'naya kavane 30:12

Mago nofi vayaʼmo hosu kavaʼapimo aeno kalopaeno oʼataleʼniyana apakaiʼapi apaulagaleʼmo hosu kavatimo ohaneʼnigeta kanale laipa lagesa vayaʼmo maiʼnone, huʼa nehae.

Hagai 2:13

Hagaiʼa magoʼe huno ani gemo huno ge huno apafi geʼniye. Mago vekamoʼmo faliʼnisiya vekamo agufaleʼmo ame aliteno eno ani neʼyateʼmo ame alisiyaʼmoʼmo ani hosu neʼyaʼmo ofalinimo noʼamiya neʼyaʼmo hamalegaifiye, huno ge huno apafi geʼnigeʼapaeʼmo mono huʼa neʼapataya vayaʼmogimo huʼapaeʼmo he, huʼa, neʼyateʼmo ame alisiyaʼmoʼmo hosu neʼyaʼmo hamalegaiye, huʼa ha paiʼnae.

Matiyu 15:18

Apavayafatiʼmo neʼyaʼmo afaʼa neʼa neʼnakaiyaʼmonanafa apaipafatiʼmo afole aiteno haineno apavayafatiʼmo afole neʼaiya gemokeʼmo alino hosu huno neʼapate.

Apa 10:15

Gotiʼa alino auleno apateʼniya yafeʼmo hosu yaʼmo haneʼniye, huka osuvo, huno ha paiʼniye.

Lomu 14:14

Nagaemo Ala kava neʼmo Yesupiʼmo maiʼneʼnaeʼmo muki neʼyafeʼmo huʼnaeʼmo, hosu neʼyaʼmo ohaneʼniye, huʼna ago afiʼnove. Afiʼnovaʼmonanafa mago vayaʼmogi neʼyafeʼmo, hosu neʼyaʼmo haneʼniye, huʼa apakesamo neʼafisayana apakaiʼapilefeʼmo hosu neʼyaʼmo haneʼniye.

Lomu 14:20

Lapakaemo neʼyafekeʼmo lapakesamo afitetapa vayaʼai apaipafiʼmo Goti aliʼyaʼamo alita hosu hutapa oʼateyo. Muki neʼyaʼamo alagepa huta nesuna yaʼmo haneʼniyaʼmonanafa lapakaemo mago neʼyaʼmo neʼnayaʼmofeʼmo mago vayaʼmo asagauʼa aisayana lapakaemo hosu kavaʼmo nehae.

Lomu 14:23

Neʼaiyaʼmonanafa lole apakesamo afiʼneʼa neʼnesaya vayaʼmogi hosu kavaʼmo nehae. Nehaya kavafeʼmo alagepa kavaʼmo nehune, huʼa nosisayana apakesamo afiʼa fatago nosayaʼmofeʼmo hosu kavaʼmo nehae. Muki kavaʼmo nehutaeʼmo, alagepa kavaʼmo nehune, huta osuta fikumo nehisunana ani agufa kavatimo hosu kavaʼmo nehune.

1 Kolitiyani 10:23

Lapakaemo, muki agufa kavaʼmo afaʼa hisuna kavaʼageʼmo haneʼniye, hutapa nehayaʼmonanafa muki ani hisaya kavaʼamoʼa alagi laha oʼmaesiya kavaʼageʼmo haneʼniye, huʼna nehuve. Muki kavaʼamo afaʼa hisuna kavaʼageʼmo haneʼniye, hutapa nehayaʼmonanafa ani kavaʼmo hisuna kavaʼmoʼa lokiya vaino olategaiye.

1 Kolitiyani 10:25

Situvapatiʼmo ameʼamo fikumo miya faitetapaeʼmo yuʼilaga vekatapilefeʼmo maketi hu maleʼnisaya vayaʼaifeʼmo, haiyategatiʼmo alinita eʼnae, hutapa apafi oketapa fikumo afaʼa alitapa neyo.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

1 Kolitiyani 8:7

Maiʼnonaʼmonanafa muki vayaʼmogimo mani lama gemo alagi oʼafiʼnae. Mago vayaʼmogimo yatala afinaʼmo aigofe gotiʼapimogitefeʼmo mono huʼnayaʼmofeʼmo hemenimo ofalini neʼapamiya ameʼamo neʼneʼapaeʼmo, aigofe gotigimo apamiʼnaya ofalinimo ameʼamo netaeʼmo hosu kavaʼmo nehune, huʼa apakesamo afigae. Yuʼilaga vekaʼapimoʼmo alagepa huno oʼafiʼniyaʼmofeʼmo ofalini ameʼamo neʼneʼapaeʼmo yuʼilaga vekaʼapimo aliʼa hosu huʼa neʼatae.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.