Taitasi 1:11 - The Keyagana NT and 25 OT books

¹¹ Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Taitasi 1:11 ပူးပေါင်းရင်းမြစ်များ

Samu 107:42

Fatago vayaʼmogimo ani kavaʼmo ageteʼapaeʼmo apamogaga neʼaiyaʼmonanafa hosu vayaʼmo apavayaleʼmo alino akani maleʼnigeʼa ge nosae.

Samu 63:11

Negayaʼmonanafa kini vekamoʼmo Gotifeʼmo amogaga aigiye. Agiʼalefeʼmo ani kavaʼmo nehaya vayaʼmogimo ha le konali yaʼapimo aligayaʼmonanafa aigofe gemo nehaya vayaʼai apavayaleʼmo alino akanigiye.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Maika 3:5

Goti gemo aeʼa hakalo huʼa hapa nepaiya vayaʼmogi Goti vayaʼamo hosu kateʼmo apavaleliʼa neʼvae. Ala kava neʼmoʼa ani vayaʼaifeʼmo apava gemo hunoʼaeʼmo, Apakaemo neʼyaʼmo neʼapamiya vayaʼaifeʼmo huʼapaeʼmo, Alagepa hutapa maigae, huʼa nehayaʼmonanafa neʼyaʼmo noʼapamiya vayaʼeʼmo kame hisayafeʼmo alo nehae, huno huʼniye.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Luki 20:40

Apakaemo magoʼe huʼa loka huʼa ge huʼa afi gesayafeʼmo koli huteʼa ge huʼa afi okeʼa afaʼa maiʼnae.

Yoni 10:12

Miyaʼmo alisiyafekeʼmo aliʼyaʼmo neʼaliya vekamoʼa sipisipileʼmo yagaino neʼapateya vekamo maige sipisipimo afoʼamoʼmo maige osuʼniyaʼmofeʼmo afela kalamo neʼegenoʼaeʼmo apataleno aune hetaleno uʼnigenoʼaeʼmo afela kalamoʼa hapaeno hanilino neʼvigeʼapaeʼmo ataleʼa atagu faeʼa uʼeʼa nehae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

2 Kolitiyani 11:10

Kalaisi lama geʼamo naipafiʼmo haneʼnigeʼna alagi lama gemo huʼnaeʼmo, lapakaetegatiʼmo mago yaʼmo oʼaliʼnova kavatefeʼmo namogaga neʼauva gemo navayaletiʼmo hisuvafeʼmo muki Akaiya kotega maiʼnaya vayapatiʼmo mago vekamoʼmo navayaleʼmo huno natafauno oʼnategaiye.

1 Timoti 5:13

Magoʼe huʼa hosu kavaʼmo huʼa aliʼyaʼmo oʼaliʼa alu nopi alu nopiʼmo uʼeʼa nehuʼapaeʼmo hosu faigoko gemo hulitata huge himuʼnamu kavaʼmo huge nagaekeʼmo ageteʼna afiʼnove, huʼa huge osisaya agufa gemo afaʼa huge nehae.

1 Timoti 5:4

Ani kogu aʼne anagaʼmogi mafaʼneʼapimo maige apakioʼapimogi maige huʼnisayana afaʼa yagaiʼa apategae. Kogu aʼne anagaʼmogi itaʼapi afoʼapimogimo anonaʼapilefeʼmo Gotitefeʼmo mono kavaʼmo huʼa yagaiʼa apategae. Gotiʼa ani kavafeʼmo hauʼnigenoʼaeʼmo, alagepa kavaʼmo haneʼniye, huno nehiye.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

2 Timoti 2:18

Anakaemo alagepa kaʼmo atale uʼanaeʼmo, agaegiʼeʼmo ago he tiʼnonanageta falisunatetiʼmo halate he otigune, huʼana hapa paiʼnaʼageʼapaeʼmo mago vayaʼamogi apakesamo afiʼa fatago huʼnaya kavaʼapimo aliʼana ataleʼnaʼageno asagauno aiʼniye.

2 Timoti 3:6

Mago ani agufa vayaʼmogimo vayaʼai nopiʼmo kesi katetiʼmo uʼa haiʼa alagepa huʼa apakesamo noʼafiya aʼne anagaʼmo geʼapiletiʼmo nofi kiʼa apategekana huʼa neʼapatae. Aʼne anagaʼmogi hosu kavaʼapimoʼmo lusi kava huno kana huʼnigeno asole yafeʼmo hapaʼye nehiya kavaʼapimoʼa aino apavayu hulino neʼviye.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

Taitasi 1:9

Apakaemo lama gemo aliʼa apaya maleʼnaya gemo afiteʼa atafauʼa alagi huʼa maiʼnisayana lokiya vaino neʼapateya geletiʼmo alagepa huʼa aliʼa apaya malege geʼapileʼmo huʼa aeʼa ati nekaya vayaʼai geʼapimo huʼa aeʼa agasege huʼa maigae.

Taitasi 3:10

Kagaemo Goti mafaʼnemo aliʼa fako huʼa neʼapataya vayaʼaifeʼmo magoke afinaʼmofi lole afinaʼmofi hukaeʼmo, hosu kava hae, huka hapa paiyo. Oʼafisayana maika halove huka apato.