Sefanaiya 3:8 - The Keyagana NT and 25 OT books

⁸ Ala kava neʼmoʼa hunoʼaeʼmo, Agoti huʼna apatesuvafeʼmo nagava maiʼnigeʼnao. Nagaemo naipamo leʼnisigeʼna kayoʼmo apamisuvafeʼmo muki nofi vayaʼmo apavaleʼna aliʼna anupa huʼna apategauve, huʼna hu maleʼnove. Lusi kava huno naipamo leʼniyanageʼna kaino nefauva kavaʼniletiʼmo muki ma mopafi vayaʼmo aliʼna hano huʼna apatalegauve.

Sefanaiya 3:8 ပူးပေါင်းရင်းမြစ်များ

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 123:2

Afiyo, huʼna, Aliʼyaʼamo neʼaliya vayaʼmogimo aliʼyaʼmo afoʼamo ayateʼmo agege aliʼyaʼamo neʼaliya aʼmafaʼnemogimo aliʼyaʼmo itaʼamoayateʼmo agege huʼa maiʼnaya kava huta Ala kava neʼmo Gotitimofekeʼmo ageme ageme neʼvisunagenoʼaeʼmo hau huno lategaiye.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Samu 37:34

Ala kava nefekeʼmo agava maiʼnetapa geʼamo afigenoʼao lapakitapileʼmo alino asaga huno lapateteno mopamo lapamino. Agaemo hosu vayaʼmo alino hapa faitalesigeʼa visagetapa apakegae.

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Samu 62:1

Nagupi mafaʼnemoʼmo ge osuno Gotifekeʼmo agava maiʼniye. Agaiʼageʼmo nagufamo alino katino nategaiye.

Samu 62:5

Nagaemo Gotiʼa naha maegaiye, huʼna nagesamo afiʼna fatago nehuvaʼmofeʼmo nagupi mafaʼneyo, huʼna, ge osuka Gotifekeʼmo agava maiyo.

Samu 79:5

O Ala kava nene, huʼna, na magi afinaʼmo kaipamo leka lategane. Muki afinaʼaeʼmo kaipamo leka latege latege huka maisanageno hano osugifiye. Kaipaʼmoʼmo atagana huno lalesifiye.

Samu 79:6

Kagaemo okageʼnaya nofi vayaʼaiteʼe kagikaleʼmo aeʼa keya aeʼa nunumuʼmo nosaya vayaʼaiteʼeʼmo kaipamo neleya kavaʼmo anikana huka lakiyo.

Mai'naya kavane 20:22

Kagaemo hukaeʼmo, hosu kavaʼamo anonaʼalefeʼmo aeʼna atagaina huʼna huguve, huka osuvo. Ala kava nefekeʼmo agava maiʼnegenoʼao kaha maegaiye.

Salomoni Yokemae 8:6

Mago vekamoʼmo alagena kavaʼmo hu neʼmaleya kava huka nagaemo alika kaipafiʼmo alagena kavaʼmo hugekana huka hu malo. Ani kava huka nagaemo alika kayamoteʼmo alagena kavaʼmo hugekana huka hu malo. Ani kavatefeʼmo nahau nayamopafiʼmo nahauʼniya kavaʼmo lokiyaʼamoʼmo fali kavaʼmo lokiyaʼagana huno haneʼniye. Nagaemo kaino nefauva kavaʼmoʼa nefaliya kavakana huno haneʼniye. Kaino nefauva kavaʼmo atagana huno nele. He, lusi kava huno nele.

Aiyeya 63:6

Nagaemo lusi kava huno naipamo neleya kavatetiʼmo muki nofi vayaʼmo aeʼna lata paiʼnove. Nagaemo naipamo neleya kapufatiʼmo aniʼmo nesaya kavaʼmo huʼnogeʼa neteʼapaeʼmo negi nagi huʼnae. Nagaemo lokiyaʼapimo aliʼna hano huʼna alagi ataleʼnove.

Maika 7:7

Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Hagai 2:22

Nagaemo yagaiʼa neʼapataya gamani vayaʼmo hapa faiʼna apatalege alu nofi vaya alu nofi vayaʼmogi lokiyaʼapimo aliʼna hano huʼna atalege hosimoʼmo halaulino neʼvigeʼapaeʼmo kamemo nehaya talalaʼapimo aliʼna hosu huʼna atalege talalafiʼmo maiʼnaya ati vayaʼeʼmo kamemo huge kamemo nehaya hosileʼmo kamemo hisayafeʼmo haiʼa fai maiʼnaya vayaʼmo apamagisugeʼa asagauʼa aige nehisageʼapaeʼmo ani kavaʼmo huʼa apakaiʼapi konagaʼapimogimo naipeletiʼmo apaigae.

Matiyu 25:32

Fai maiʼnisigeʼapaeʼmo muki ma mopafi vayaʼmo eʼa aulagaleʼmo aliʼa anupa huʼa maigae. Afuleʼmo neʼyagaiya vekamoʼmo sipisipiʼe memeʼeʼmo magokepi lokaeʼa maiʼnagenoʼaeʼmo alino fako huno neʼapateya kava huno vayaʼmo alino fako huno apategaiye.

2 Pita 3:10

Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.

Leveleseni 16:1

Hutegeʼnaeʼmo afiʼnovana aote mono nopatiʼmo alopa gefatiʼmo seveniʼa enisole vayaʼaifeʼmo, Gotiʼa aipamo leno neʼapateya kayoʼmo seveniʼa yuvapafiʼmo haneʼniyanagi alinitutapa ma mopafiʼmo aitapa lakiyo, huno hapa paiʼnigeʼna afiʼnove.

Leveleseni 16:14

Apakaemo hosu apaune vayaʼmo maiʼneʼapaeʼmo noʼagaya agufa aune kavaʼmo huʼnae. Apakaemo muki yagaiʼa neʼapataya kini vayaʼaitegaʼeʼmo u eʼa huʼa alopa afinaʼmo muki lokiyaʼaʼe Gotiʼa lekana pai maleʼniya afinaʼmo kamemo hisayafeʼmo aliʼa anupa huʼa apateʼnae.