Sefanaiya 3:7 - The Keyagana NT and 25 OT books

⁷ Nagaemo nagesa afiʼnaeʼmo, Lapakaemo nagaefeʼmo koli hugae. Kayoʼmo olapamisugeʼa notapimo heʼa halagape oʼvaisayafeʼmo aliʼna lapaya malesuva gemo afigae, huʼna nagesamo afiʼnovaʼmonanafa haʼao, huʼna, geʼnimo oʼafitapa malage hutapa lapaya mukiki hutapa lapakaitapimo magoʼe hutapa alita hosu hutapa lapateʼnae.

Sefanaiya 3:7 ပူးပေါင်းရင်းမြစ်များ

2 Sitoli 33:11

Oʼafiʼnayaʼmofeʼmo Ala kava neʼmoʼa Asiliya ami vayaʼaiteʼmo yagaiʼa apateʼnaya vayaʼe ati vayaʼeʼmo alino apateʼnigeʼa eʼa Yuta vayaʼeʼmo kamemo huteʼa huʼa aeʼa apaka seʼnae. Apakaemo Manaseʼmo atafauʼa agoʼya kapiʼmo hukumo ateteʼa ayatalapiʼmo haesa aeni seli nofitetiʼmo kiʼa ateteʼa avaleliʼa Mamiloni kotegamo uʼnae.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Mai'naya kavane 19:20

Kagaemo henaga kanalekamo afiteka agesanafeʼmo aliʼa api aiʼa katesaya gemo afige aliʼa kaya malesaya gemo afige huvo.

Aiyeya 5:4

Nagaemo magoʼe huʼna mago kavaʼmo hisuva kavaʼmo haneʼniyana nagaemo osuʼnofiye. Alagepa nofi alagamo aegaiye, huʼna nagesamo afiʼnovana na agufa kavaʼmo higenoʼaeʼmo kahaufilaga hosu nofiʼmoʼa afaʼa neʼaeya agufa nofi alagamo aeʼniye.

Aiyeya 63:8

Ala kava neʼmoʼa ina gemo hunoʼaeʼmo, Ani vayaʼmo alagi nagaiʼni vayanageʼa humi nateteʼa aigofe gemo osugae, huno huʼniye. Inagi apakufamo alino katino apatesiya vekamo hamaleʼniye.

Sefanaiya 3:2

Apakaemo Goti gemo oʼafiʼnae. Ala kava neʼmoʼa alino api aino apatesiyafeʼmo nohapaiye. Apakaemo Ala kava neʼmo aliʼa amufa noʼamiye. Apakaemo Gotiʼapimo haopaleʼmo noʼvae.

1 Timoti 1:5

Kagaemo hapa paisanageʼa afiteʼapaeʼmo hapau apayamopafiʼmo hapausiyafeʼmo hapa paiyo, huʼna ago kaha paiʼnove. Inagi hapau apayamopafiʼmo nehapaiya kavaʼmo yaveyave apaipafatiʼmo afole aige alagepa huno alino fako huno neʼapateya apakupi mafaʼnefatiʼmo afole aige lama ge huʼa apakesamo afiʼa fatago nehaya kavatetiʼmo afole aige nehiye.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.