Sefanaiya 3:6 - The Keyagana NT and 25 OT books

⁶ Ala kava neʼmoʼa hunoʼaeʼmo, Nagaemo alu vaya alu vayaʼmo aliʼna hano huʼna apataleʼnove. Muki taoniʼapimo aliʼna hano huʼna atalesugeno no atufaʼageʼmo hanege yafa kegiʼyamo amagiʼa naku paege kateʼmo umenitata hisaya vayaʼmo oʼmaige hugae.

Sefanaiya 3:6 ပူးပေါင်းရင်းမြစ်များ

Aiyeya 6:11

Inagi nagaemo ge huʼna afiʼnaeʼmo, Ala kava nene, huʼna, Nagaemo ani aliʼyaʼmo alime uʼna hainu afinaʼmo atalegauve, huʼna ge huʼna afi geʼnogenoʼaeʼmo geʼnileʼmo ina ge huno aeno atagaina hunoʼaeʼmo, Kagaemo aliʼyakamo alime alime neʼugeʼao muki taoniʼamo heʼa halagape vaisageno noʼageʼmo afaʼa hanesigeʼa vayaʼmo oʼmaige muki mopaʼamo hosuge huno hanegaiye.

Sefanaiya 2:5

Vaehae, huʼna, Lapakaemo Filisitiya vayaʼmo lapakitapimo Keleti vayaʼmo solovala anitegamo maiʼnaya vayane, huʼna, ehetapiye, hosu yaʼmo aligae. Ala kava neʼmoʼa lapakaefeʼmo gemo ago hu maleʼniye. Agaemo ina ge huno lapa nepaiye. Filisitiya vayaʼmo Kenani koteʼmo maiʼnaya vayaʼenagi, huʼna, aliʼna hosu huʼna lapatalesugeno magoke vekamo alagi oʼmaigiye.

Matiyu 23:38

Afiyo, huʼna, ani afinatetiʼmo kotapimo no atufaʼageʼmo hanegaiye.

1 Kolitiyani 10:11

Apakaetegamo afole aiʼniya kavaʼmoʼa alino lave lisiya aune kavaʼmo haneʼniyaʼmofeʼmo lagaefeʼmo ehetapiye, huno nehiye. Hemenimo ma mopamo alagi hano hisiyafeʼmo nehiya afinaʼmo maiʼnone.

1 Kolitiyani 10:6

Ani kavaʼmo alino lave lisiya aune kavaʼmo haneʼniye. Apakaemo hosu kavafeʼmo hapaʼye huʼniya kava huta lagaeʼeʼmo lahaʼye osisiyafeʼmo mani gemo huʼniye.

Yasuva 23:4

Hemenimo lapakaemo alagepa hutapa afiyo. Lagaemo muki nofi vayaʼmo kame huta ago aeta apaka seʼnona vayaʼmogi mopaʼe kame huta aeta oʼapaka seʼnona nofi vayaʼmogi mopaʼeʼmo nagaemo fako huʼna lapamisuvafeʼmo lapakaemo mago yaʼmo yaga au maleʼnetapa alita ageʼnae. Ani mopamo hakuʼmo yegemo haine neʼeya haopalegamo Yoneni anitetiʼmo aepa faiteno hanelino yegemo uno lamino nefaleya haopalega alopa Metaleniyani solovalategamo uʼniye.