Sefanaiya 3:13 - The Keyagana NT and 25 OT books

¹³ Isaleli vayapatiʼmo logufaʼamogimo hosu kavaʼmo osuge aigofe gemo osuge hugae. Apakaemo humi oʼapateʼa sipisipiʼnimo maiʼneʼa kahaumo neteʼa havaesageʼa muki vayaʼmogimo koli yaʼmo aliʼa oʼapamigae.

Sefanaiya 3:13 ပူးပေါင်းရင်းမြစ်များ

Samu 119:3

Apakaemo mago hosu kavaʼmo osuʼa Ala kava neʼmo kateʼmo uʼeʼa nehae.

Samu 120:2

O Ala kava nene, huʼna, Apakaemo aigofe gemo huge humi apatege nehayanagi nagupi mafaʼnemo alika katika ato.

Samu 120:3

Aigofe vayaʼmogitapae, huʼna, anonatapilefeʼmo na agufa yaʼmo aligae. Gotiʼa lapakaetegamo haiya agufa kavaʼmo hugiye.

Samu 23:2

Agaemo sipisipi anagaʼmogimo muki hegafatalili kahaumo neʼnaya yategamo alino havaeno neʼnate. Uno hogoteteno age noʼaiya ani haigiʼale ani haigiʼaleʼmo navalelino neʼviye.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 54:14

Nagaemo fatago kavaʼniletiʼmo aliʼna lokiya vaiʼna katesugeka alagepa huka maige maige huka maigane. Mago vayaʼmogi eʼa aliʼa afepiʼmo katesageka koli osugane. Lusi kava huka koli hisana kavakamo afole oʼaigiye.

Aiyeya 6:13

Ataleʼa ugayaʼmonanafa ani mopaleʼmo aise nofi vayaʼmo maigae. Apakaemo aiʼa atagineʼa eʼa maigayaʼmonanafa kayoʼmo apamiguve. Apamiguvaʼmonanafa ani koteʼmo henagaʼamo nagaemo yosamo heʼya aiʼnaya atufafatiʼmo saufa ausisimo neʼaeya agufa kavaʼmo huʼna nagae apaote vayapatiʼmo saufa nofi vayaʼmo aliʼna afole aiʼna apategauve.

Aiyeya 60:21

Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.

Aiyeya 63:8

Ala kava neʼmoʼa ina gemo hunoʼaeʼmo, Ani vayaʼmo alagi nagaiʼni vayanageʼa humi nateteʼa aigofe gemo osugae, huno huʼniye. Inagi apakufamo alino katino apatesiya vekamo hamaleʼniye.

Aiyeya 65:10

Nagaefeʼmo kahauya huʼa nageʼnaya vayaʼnimogi sipisipi anagaʼapimo Saloni kagoʼmu koteʼmo maige pulumaka anagaʼapimo Ako kagoʼmu kateʼmo havaeʼa maige hugae.

Maika 4:4

Osugayaʼmonanafa muki vayaʼmogimo apaote apaote huʼa nofi hoyaʼapifiʼe fiki hoyaʼapifiʼeʼmo alagepa huʼa fai maisageʼa mago vayaʼmogi koli yaʼmo aliʼa oʼapamigae.

Maika 4:7

Nagaemo logufa vayaʼmo apaiyamo hosuʼniya vayaʼmo aliʼna ha maleʼna apategauve. Apaini huʼa neʼapataya vayaʼmo lokiya nofi vayaʼmo magoke gamani vayaʼmo aliʼna ha maleʼna apategauve. Nagaemo ani kava huʼna Ala kava neʼmoʼnamo Saiyoni aveleʼmo maiʼnaya vayaʼaiteʼmo ani afinaʼmo aepa faiʼna yagaiʼna apateme apateme uʼna muki afinaʼaeʼmo yagaiʼna apategauve.

Maika 7:14

O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Sefanaiya 2:7

Yuta vayapatiʼmo ofaliʼa afaʼa faiʼa kasalo paesaya vayaʼmogimo lapakae mopamo aliteʼa sipisipileʼmo yagaiʼa apategae. Sipisipi anagaʼapimo ani haigifiʼmo kahaumo neʼa maisageʼa yagaiʼa neʼapataya vayaʼmo Asikeloni taonifiʼmo havaegae. Ala kava neʼmo Gotiʼapimoʼmo emineno kalavusifatiʼmo hatu maeno apateʼniya vayaʼmo hapa maesigeʼa noʼapifiʼmo alagepa huʼa maigae.

Sefanaiya 3:5

Nehayaʼmonanafa Ala kava neʼmo fatago vekamo Yulusalemu taonimo folagapiʼmo maiʼneno hosu kavaʼmo alagi nosiye. Muki neteʼae neteʼaeʼmo vayaʼmogi kavaʼapimo alagepa huno alino fako huno neʼapate. Muki afinaʼaeʼmo fatago kavaʼageʼmo huno alino fako huno apatesiyafeʼmo haino me notaleyaʼmonanafa fatago kavaʼmo nosaya vayaʼmogimo hosu kavatapieʼmo apavagage nosiye.

Matiyu 13:41

Vemo mafaʼnemoʼmo enisole vayaʼamo alino apatesigeʼa uʼa yagaino neʼapateya kegiʼyafatiʼmo aliʼa hapafaiʼa apatalegae. Hosu kavaʼmo hisayafeʼmo aliʼa he tiʼa neʼapataya vayanagi muki hosu vayanagi huʼa apavaleliʼuʼa

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Kolosi 3:9

Lapakaemo atafa vekatapimoʼmo atalege atafa vekatapimoʼa nehiya kavaʼmo atalege hutetapa saufa vekatapimo alita vaiʼnayaʼmofeʼmo konagatapieʼmo aigofe gemo osiyo. Gotiʼa saufa vekatapimo alo huʼniyanagetapa Gotina ageta aeto nehutapaeʼmo agaekana hutapa maisayafeʼmo saufa vekatapimo alino saufa vekamo hamaleno nelapate.

1 Pita 3:14

Osugayaʼmonanafa alagepa kavaʼmo nehisagenoʼaeʼmo mago vekamoʼmo lapakaetegamo hosu kavaʼmo nehisiyana Goti aulagaleʼmo alagepa huta maiʼnayanagetapa afaʼa lapamogaga aigae. Mago geletiʼmo huʼa lapausoli hisaya gemo nehisagetapaeʼmo lapamoʼya aitetapa koli osiyo.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

Leveleseni 14:5

Aigofe gemo nosaya vayaʼmo maiʼnayanageʼa vaiʼmo afaʼa oʼapamigae.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.