Sefanaiya 3:11 - The Keyagana NT and 25 OT books

¹¹ Ani afinaʼmo nagaemo lapakaepatiʼmo apakaiʼapieʼmo apamogaga aiteʼa himuʼnamu nehaya vayaʼmo aliʼna hapa faiʼna apatalesugetapaeʼmo geʼnimo amagitapa ataleʼnaya kavatapieʼmo magoʼe huno lapavagage osugiye. Lapakaemo naote avefiʼmo magoʼe hutapa himuʼnamu kavaʼmo osugayaʼmofeʼmae.

Sefanaiya 3:11 ပူးပေါင်းရင်းမြစ်များ

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 49:5

Hosu vayaʼmogimo faiʼa vego huʼa nateʼneʼa namagisayafeʼmo nehisageʼnaeʼmo koli osuguve.

Samu 59:12

Apavayaletiʼmo hosu gemo nehayaʼmofeʼmo apakiʼapileʼmo aliʼa asaga hisagekaeʼmo apata fauvo. Lifana gemo huge kasu ge huge nehayaʼmofeʼmae.

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 2:12

Muki vayaʼaiteʼmo yagaino neʼapateya Ala kava neʼmo afinaʼmo afole aisigeʼapaeʼmo muki vayaʼmogimo apakaiʼapi apakiʼapileʼmo aliʼa asaga nehaya vayanagi ala agi kavanagi ala apaki vayanagi ala agimo haneʼniya yanagi huno alino afepiʼmo apategaiye.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Aiyeya 5:15

Mukiʼamogi afepilagamo uʼa lamigae. Ala kava neʼmoʼa muki vayaʼmo alino afepiʼmo apategaiye. Apakaiʼapimo aliʼa asaga huʼa neʼapataya vayaʼmo alino afepiʼmo apategaiye.

Aiyeya 54:4

Kagaemo magoʼe huno kavagage osugiyaʼmofeʼmo koli osuvo. Apakaemo vayaʼmogimo kagaefeʼmo magoʼe huʼa huʼa faipa osuge kavagage yaʼmo okamige hugae. Haʼao, kagaemo a mafaʼnemo maiʼnekaeʼmo Isipi kotegamo kalavusi aliʼyaʼmo aliʼnana kavagage kavafeʼmo alagi kagekanika ataleteka maigane. Ina kava huka a kanomo anauʼamoʼmo ataleno uʼniya akanogana huka maige kogu akanogana huka kagaikageʼmo maige huʼnana afinafeʼmo kagekanisigeno magoʼe huno kavagage osugiye.

Aiyeya 61:7

Magoʼe huno lapavagage osisigetapa lole yaʼmo alitapa lokaeta aligae. Vayaʼmogimo magoʼe huʼa lapakitapileʼmo aliʼa afepiʼmo oʼatesagetapa alisaya yatapilefekeʼmo lapamogaga aigae. Mopatapileʼmo maiʼnetapaeʼmo lole yaʼmo alita lokaetapa alitetapa muki afinaʼmo lapamogaga aime aime ugae.

Neniyo 9:16

O Ala kava nene, huʼna, nunumuʼmo huʼnaeʼmo, fatago kavakalefeʼmo magoʼe huka kaipamo leka olateka magoʼe huka kayamukiki huka aote aveleʼmo haneʼniya Yulusalemu taonifi vayaʼmo oʼapamagiyo. Lagaeʼe laginago vayaʼeʼmo hosu kavaʼmo huʼnonaʼmofeʼmo muki lahaopaleʼmo maiʼnaya vayaʼmogimo huʼa faipa huʼa nelatageno lavagage nehiye.

Neniyo 9:20

Nagaemo Ala kava neʼmo Gotiʼnimo aulagaleʼmo nunumuʼmo huʼna hosu kavaʼnieʼmo aeʼna hakalo huge Isaleli vayaʼnimogi hosu kavafeʼmo aeʼna hakalo huge Gotiʼnimo aote avelefeʼmo ge huge nehuve.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Napa 16:3

Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Matiyu 3:9

Lapakaemo hutapaeʼmo, Emalehamuʼa lagaiti laginago vekatimo maiʼniye, hutapa lapakesamo oʼafiyo. Gotiʼa mani yafapatiʼmo Emalehamu aginagoʼamo afaʼa alino hamaleno apategaiye.

Lomu 2:17

Kagaemo, Yu vekamo maiʼnovanageno keʼaepa gemoʼa naha maegaiye, huka hutekaeʼmo, Goti vayaʼamo maiʼnove, huka nehane.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Pita 2:6

Goti mukufi gemoʼmo ani kavatefeʼmo hunoʼaeʼmo, Afiyo, huno, Nagaemo yafaʼmo lekana paiʼna ateteʼna noʼmo kisuva yafaʼmo alopa monileʼyaʼmo aeno agaseʼniya yafaʼmo Saiyoni kotegamo maleʼnove. Muki vayaʼmogimo agaefeʼmo apakesamo afiʼa fatago hisayana alagi hapai oʼvaigae, huno hu maleʼniye.