Sefanaiya 2:5 - The Keyagana NT and 25 OT books

⁵ Vaehae, huʼna, Lapakaemo Filisitiya vayaʼmo lapakitapimo Keleti vayaʼmo solovala anitegamo maiʼnaya vayane, huʼna, ehetapiye, hosu yaʼmo aligae. Ala kava neʼmoʼa lapakaefeʼmo gemo ago hu maleʼniye. Agaemo ina ge huno lapa nepaiye. Filisitiya vayaʼmo Kenani koteʼmo maiʼnaya vayaʼenagi, huʼna, aliʼna hosu huʼna lapatalesugeno magoke vekamo alagi oʼmaigiye.

Sefanaiya 2:5 ပူးပေါင်းရင်းမြစ်များ

Sefanaiya 1:11

Makatesi maketi kumateʼmo maiʼnaya vayaʼmogitapamo, faiyosago faitapa aviʼyaʼmo hiyo. Muki yaʼmo maketimo nehaya vayaʼmo ago faliʼnayaʼmofeʼmae. Mago kagemi yaʼapiʼe vayaʼmo oʼmaiʼnae, huʼa hugae.

Sefanaiya 3:6

Ala kava neʼmoʼa hunoʼaeʼmo, Nagaemo alu vaya alu vayaʼmo aliʼna hano huʼna apataleʼnove. Muki taoniʼapimo aliʼna hano huʼna atalesugeno no atufaʼageʼmo hanege yafa kegiʼyamo amagiʼa naku paege kateʼmo umenitata hisaya vayaʼmo oʼmaige hugae.

Maki 12:12

Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.

Yasuva 13:2

Oʼaliʼnageno afaʼa haneʼniya mopamo Filisatini vayaʼmogi mopagi Gesayu vayaʼmogi mopagi hutapa oʼaliʼnae.

Yasuva 13:3

Ani mopamo hakuʼmo Isipi kotega yegemo haine neʼeya haopalegamo Siho anitetiʼmo aepa faiteno hanelino Isipi vayaʼmogi hakuteʼmo utegeno muki lamaga haopalega Ekaloni taonimo hakuteʼmo utegetapa ani mopamo Kenani vayaʼmogi mopamo oʼaliʼnae. Ani mopaleʼmo Filisatini nofi vayapatiʼmo faefuʼa kini vayaʼmo maiʼnae. Apakaemo Gesa taonifiʼmo maige Asanoni taonifiʼmo maige Asakeloni taonifiʼmo maige Gati taonifiʼmo maige Ekaloni taonifiʼmo maige huʼnae.

1 Samiyo 30:14

Lagaemo lamaga haopalegamo Yuta kotegamo uta Keleti vayanagi Kelepi vayaʼenagi huta kame huteta Sikalagi taonimo kaeʼnone, huno ha paiʼniye.