Sefanaiya 2:2 - The Keyagana NT and 25 OT books

^2-3 Fiku yanagetapa afaʼa maiʼnisageno Ala kava neʼmoʼa lekana pai maleʼniya afinaʼmo afole aigiye. Yasimoʼmo haletiʼya yaʼmo alino halelino neʼviya agufa kava huno alino lapafaitalesigetapa ugae. Ala kava neʼmoʼa aipamo lusi kava huno leno lapatesiya kavaʼmo lapakaeteʼmo afole aigiyanagi lapakaemo yagu yaga kavaʼmo nehaya vayane, huʼna, hogotetapa alita anupa huʼnetapaeʼmo Ala kava nefeʼmo kahauya hiyo. Fatago kavaʼamo alisayafeʼmo kahauya huge yagu yaga kavaʼamo alisayafeʼmo kahauya huge hutetapa himuʼnamu kavaʼmo ago ataleyo. Ala kava neʼmoʼa aipamo lusi kava huno leno apatesiya afinaʼmo alino fala kino lapatesifigi amalageka hutapa agegeyo.

Sefanaiya 2:2 ပူးပေါင်းရင်းမြစ်များ

Samu 1:4

Hosu vayaʼmo ani kava huʼa oʼmaiʼnae. Apakaemo mago haletiʼya yakana huʼa maiʼnae. Haleti yaʼamo haleʼnagenoʼaeʼmo yasimoʼmo alino halelino neʼviya haletiʼya yakana huʼa maiʼnae.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 50:22

Gotifeʼmo lapake kaniʼnisiya vayaʼmogitapae, huʼna, geʼnieʼmo lapakesa afifi hutapa maiyo. Fiku yanageʼna lahapaeʼna katali katalu hisugeʼapaeʼmo lapa maesaya vayaʼmo oʼmaigae.

Neyomi 1:6

Agaemo aipamo lesiya afinaʼmo ina laʼmo aulagaleʼmo afaʼa he tino maigiye. Aipamo leno apatesigeʼapaeʼmo haiya vayaʼmo afaʼa maigae. Aipamo leno apateteno kayoʼmo neʼapamiya kavaʼmo atagana huno vayaʼai apakenopaleʼmo asagauno neʼaiye. Aipamo neleya kavaʼmoʼa yafaʼmo aino naku nepae.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Sefanaiya 3:8

Ala kava neʼmoʼa hunoʼaeʼmo, Agoti huʼna apatesuvafeʼmo nagava maiʼnigeʼnao. Nagaemo naipamo leʼnisigeʼna kayoʼmo apamisuvafeʼmo muki nofi vayaʼmo apavaleʼna aliʼna anupa huʼna apategauve, huʼna hu maleʼnove. Lusi kava huno naipamo leʼniyanageʼna kaino nefauva kavaʼniletiʼmo muki ma mopafi vayaʼmo aliʼna hano huʼna apatalegauve.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.