Sefanaiya 1:7 - The Keyagana NT and 25 OT books

⁷ Ala kava neʼmoʼa agoti huno apatesiya afinaʼmo ago eno hogo huʼniyaʼmofeʼmo lapakaemo Yuta vayaʼmogitapamo agaetegamo etapa hogo huʼnetapa ge osuta afaʼa maiyo. Vayaʼmogi afumo amagiʼa ofalinimo nehaya agufa kava huno Ala kava neʼmoʼa vayaʼmo apamagino ofalinimo hugiye. Agaemo vayaʼaifeʼmo ago keya aeno ge huʼniyanageʼa ofalinimo hisayategamo egae.

Sefanaiya 1:7 ပူးပေါင်းရင်းမြစ်များ

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Aiyeya 2:12

Muki vayaʼaiteʼmo yagaino neʼapateya Ala kava neʼmo afinaʼmo afole aisigeʼapaeʼmo muki vayaʼmogimo apakaiʼapi apakiʼapileʼmo aliʼa asaga nehaya vayanagi ala agi kavanagi ala apaki vayanagi ala agimo haneʼniya yanagi huno alino afepiʼmo apategaiye.

Aiyeya 6:5

Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Hamakaki 2:20

Afaʼa maisaya yaʼapimo alagi ohaneʼniyaʼmonanafa Ala kava neʼmo aote mono noʼafiʼmo maiʼniye. Muki ma mopafi vayaʼmogitapamo etapa aulagaleʼmo ge osuta afaʼa maiyo.

Sefanaiya 1:14

Ala kava neʼmoʼa agoti huno apatesiya alopa afinaʼamo ago hemenimo eno hogo huʼniyanageno ani afinaʼmo alagi malage huno afole aigiye. Ani hosu afinaʼmo lusi lokiya ati vayaʼmogiʼeʼmo lusi kava huʼa koli huteʼa alopa gefatiʼmo ge hugae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Matiyu 22:4

Agaemo magoʼe huno aliʼyaʼamo neʼaliya vayaʼaifeʼmo, eyo huʼna ge huʼnova vayaʼaifeʼmo uta hapa paitapaeʼmo, neʼyaʼmo ago yagita huno maleʼniye. Alopa pulumakaʼe aikeli pulumakaʼeʼmo heno kae maleʼniyanagi aʼmo alisiya neʼyategamo eyo, huta hapa paiyo, huno hapa paiteno alino apateʼnigeʼa uʼa hapa paiʼnae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.

Filipai 4:5

Yuna lapaipa kavaʼmo alitapa apave ligeʼa lapakeyo, Ala kava neʼmo ago eminesiya afinaʼmo alagi hogo nehiyanagi.

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

1 Samiyo 16:5

Samiyoʼmo hunoʼaeʼmo, He, magokepiʼmo alagepa huta lokaeta maisunafeʼmo eʼnovanageʼna Ala kava netefeʼmo ofalinimo huguve. Lapakaemo ofalini kavaʼmo hisayafeʼmo hogoteta alo hutetapa nagaeʼeʼmo viyo, huno hapa paiteno Yesiʼe mafaʼne anagaʼaʼeʼmo apavaleno apaote apateʼniye. Apateʼnenoʼaeʼmo, Gotitefeʼmo ofalinimo hisuvategamo eyo.

1 Samiyo 20:26

Neviniʼmo oʼmaiʼniyaʼmonanafa ani afinaʼmo Soloʼmo ge osuʼniye. Agaemo agesamo afinoʼaeʼmo, Neviniʼmo na agufa kavaʼmo huʼnifi. Agaetegamo mago kavaʼmo afole aiʼnigeno Goti aulagaleʼmo aote maiʼniyaʼmofeʼmo oʼmeʼniye, huno agesamo afiʼniye.