Apakaemo kini vekamo alopa noʼamo ataleʼa visageno afaʼa hanegaiye. Asole vayaʼmo taonifiʼmo lusi kava huʼa maiʼnayaʼmonanafa ataleʼa visageno afaʼa hanegaiye. Ati vayaʼmo maiʼnaya noʼe kava yagaiʼa neʼmaiya yatala noʼeʼmo afaʼa haneʼneno hosuʼnigeʼa afela noki anagaʼmogimo ani afaʼa haneʼniya nopiʼmo apamogaga aiʼa maisageʼa sipisipi anagaʼmogimo eʼa kahaumo negae.
Sefanaiya 1:16 - The Keyagana NT and 25 OT books16 Ani afinaʼmo pikulimoʼmo age neʼaisigeʼapaeʼmo taonifiʼmo maiʼnaya ati vayaʼmogimo koli huteʼa alopa gefatiʼmo ge hugae. Lokiya yafa kegiʼyamo haneʼniya taonifiʼmo kame huge kame nehaya yatala noʼmo heʼa halagape vaisayafeʼmo kame huge hugae. အခန်းကိုကြည့်ပါ။ |
Sefanaiya 1:16
17 ပူးပေါင်းရင်းမြစ်များ
Lagaemo apaulagamo ali huʼniya vayaʼmogimo neʼaya agufa kaʼmo aeteta kegiʼyaeʼmo kahauya hulita umenitata nehune. Lagaemo felugamo yegemo leʼnigeta umenitata nehutaeʼmo haniʼilagamo umenitata nehaya vayaʼmogi nehaya agufa kava huta yafapiʼmo laiyamo faita loʼaeteta asagauta neʼaune. Lagaemo hosu koteʼmo maiʼneʼa ago faliʼnaya vayakana hutageʼmo maiʼnone.
Agaemo he tino mopamo agetenoʼaeʼmo hakumo maleno apateʼniye. Apaketenoʼaeʼmo alu nofi vaya alu nofi vayaʼmo alino hapa faino apataleʼnigeʼa atagu faeʼa uʼeʼa huʼnae. Hanege hanege huno nehaneya avemo aino anakupaeno asagauno aiʼniye. Akeyaʼvilagamo haneʼnaya aveʼamo aiʼa anakupaeʼa asagau aiʼnae. Gotiʼa nehiya kavaʼmo muki afinaʼmo hanege hanege huno nehane.
Hapa paiʼnigeʼa mono huʼa neʼapataya vayaʼmogimo pikulimo nehageʼapaeʼmo Isaleli vayaʼmogimo malage huʼa alopa gefatiʼmo lusi kava huʼa ge huʼnageno taonileʼmo huʼa ku ai maleʼnaya yafa kegiʼyamo aino nakupaeno mopafiʼmo asagauno aiʼniye. Inagi muki vayaʼamogimo apaulagaleʼmo haneʼniya katetiʼmo uʼa haiʼa taonimo aliʼnae.
ကြော်ငြာတွေ