2 Ala kava neʼmoʼa Saiyoni taonifiʼmo alagi ala vekamo maiʼniye. Agaemo muki nofi vayaʼmo aeno apakaseno maiʼniye.
Ala kava neʼmo muga anagamo maiʼnenoʼaeʼmo muki nofi vayaʼaiteʼmo yagaino neʼapate. Ha le konali yaʼamoʼmo muki kokuʼnate yaʼmo aeno aga seʼniye.
Agaemo laha maesigeta muki alu nofi vayaʼeʼmo kamemo huta aeta apaka seteta apakaeteʼmo yagaigune.
Gotiʼa kini vekamo maiʼnenoʼaeʼmo muki nofi vayaʼiteʼmo neʼyagaiye. Gotiʼa kini siyaʼmo aote siyaʼaleʼmo fai maiʼniye.
Gotiʼa Saiyoni taonimo hogote konali taonifatiʼmo aeno ha legaiye.
Agaemo alopa lokiyaʼaletiʼmo yagaino neʼapateyanageno muki afinaʼmo alagi yagaino apatege apatege huno yagaino apategaiye. Agaemo muki alu nofi vaya alu nofi vayaʼmogimo nehaya kavaʼmo apakeʼniye. Fiku yanageʼa geʼamo oʼafiʼa he tiʼa kame huʼa ategae.
O Ala kava nene, huʼna, kagaemo muki lokiyakamo haneʼniya Gotigamo muki haopalega ma mopafiʼmo neʼyagaine. Kagaemo muki gotigimo aeka apaka seʼnane.
Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.
Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.