Samu 98:2 - The Keyagana NT and 25 OT books2 Ala kava neʼmoʼa vayaʼai apakufamo alino katino neʼapateya kavafeʼmo aeno hakalo huno hapa paiʼniye. Agaemo fatago kavaʼmo alino apave liʼnigeʼa alu nofi vaya alu nofi vayaʼmogimo ageʼnae. အခန်းကိုကြည့်ပါ။ |
Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.
Alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼai apaiyamo aveleʼmo neʼaya vayaʼai apaiyamo alagepa laulagamo neʼagona apaiyamo haneʼnigeʼa aliniʼa neʼae. Apakaemo apakufamo alino katino apatesiya kavafeʼmo ava gemo afiteʼa apamogaga aisayafeʼmo aliniʼa neʼae. Apakaemo Saiyoni vayaʼaifeʼmo huʼapaeʼmo, Gotitapimoʼa kini vekamo maiʼnenoʼaeʼmo yagaiʼniye, huʼa nehae.
Gotiʼa mani geletiʼmo agaiʼa fatago kavaʼamo ago alino apave liteno apakesamo afiʼa fatago nehaya kavatetiʼmo apakesamo afiʼa fatago nehaya vayaʼmo alino neʼapamiye. Ani kavatefeʼmo Goti mukufiʼmo avoʼmo kae maleʼnaya gemoʼa hunoʼaeʼmo, apakesamo afiʼa fatago nehaya kavatetiʼmo fatago vayaʼamo maiʼnayanageʼa alagepa huʼa maigae, huno hapa paiʼniye.
Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.
Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.