Samu 97:10 - The Keyagana NT and 25 OT books

¹⁰ Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Samu 97:10 ပူးပေါင်းရင်းမြစ်များ

Samu 101:3

Nagaemo hosu kavaʼmo hisuvafeʼmo nagesamo oʼafiguve. Alagepa kaʼmo ataleʼa neʼvaya vayaʼai kavaʼapieʼmo naini huʼnovanageno ani agufa hosu kavaʼapimoʼa nagaeteʼmo aino okamaegaiye.

Samu 119:104

Namiʼnana keʼaepa gemoʼmo gemo aepaʼamo neʼafuva kavaʼmo alino namiʼniyaʼmofeʼmo muki aigofe gelefeʼmo naini huʼnove.

Samu 119:163

Aigofe gelefeʼmo naini huʼnovaʼmonanafa keʼaepa gekaeʼmo nahau nayamopafiʼmo nahauʼniye.

Samu 121:7

Ala kava neʼmoʼa alu hosu kavatetiʼe alu hosu kavatetiʼeʼmo alino hosu huno okatesiyafeʼmo yagaino katesigeno kagupi mafaʼnemo alagepa huno maigiye.

Samu 125:3

Hosu vayaʼmogimo muki afinaʼmo alagepa vayaʼai mopaleʼmo yagaiʼa oʼapategae. Alagepa vayaʼmogimo hosu kavaʼmo osisayafeʼmo muki afinaʼmo hosu vayaʼmogi yagaiʼa oʼapategae.

Samu 145:20

Ala kava neʼmoʼa agaefeʼmo hapau apayamofiʼmo hapauʼniya vayaʼaiteʼmo yagaino neʼapategeʼa afaʼa neʼmaiye. Afaʼa neʼmaiyaʼmonanafa muki hosu vayaʼmo alino apagoʼya lagauno apatalegaiye.

Samu 31:23

Lapaote vayaʼamogitapae, huʼna, Ala kava nefeʼmo lapau lapayamopafiʼmo lapaino. Ala kava neʼmoʼa alagepa huʼa akame nehaya vayaʼaiteʼmo yagaino neʼapateyanageʼa alagepa huʼa maige maige huʼa maigae. Agaemo himuʼnamu vayaʼmogi hosu kavaʼmo anonaʼapilefeʼmo apamigiye.

Samu 34:14

Hosu kavategatiʼmo maitapa halove hutapa eta alagepa kavakeʼmo hiyo. Kaveta osutapa alagepa hutapa magokepi lokaeta maisayafeʼmo kahauya huta agetetapa vegala aeyo.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Samu 91:14

Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.

Mai'naya kavane 2:8

Fatago kavaʼmo nehaya vayaʼaiteʼmo kava yagaino neʼapate. Apaote vayaʼamo hapa neʼmaegeʼapaeʼmo alagi asagauʼa oʼaiʼa neʼmaiye.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

Neniyo 6:27

Agaemo hosu kavategatiʼmo apavalelino ege apakufamo alino katino apatege nehiye. Agaemo kokuʼnapiʼe ma mopaleʼeʼmo alagena aune kavaʼmo huge ageteʼa hapau neʼaiya kavaʼmo huge nehiye. Ani Gotiʼmo Neniyoʼa laiyoni anagapatiʼmo agufamo alino katino ateʼniye.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Lomu 7:15

Nehuva kavafeʼmo oʼnahauʼniye. Nahauʼniya kavaʼmo nosufa alagi naini huʼnova kavaʼmo nehuve.

Lomu 7:24

Vaehae, huʼna, lusi kana yaʼmo aliteʼna hosu kavaʼmo huʼna maiʼnove. Hosu kavaʼnimoʼmo nagufaleʼmo yagaino nateʼneno falisuvategamo navalelino visiyafeʼmo nehiyanageno ina laʼmo nagufaʼnimo alino katino nategaiye.

1 Kolitiyani 8:3

Oʼafiʼnayaʼmonanafa Gotifeʼmo hapau apayamopafiʼmo nehapaiya vayaʼmo apakeno aeto hutenoʼaeʼmo vayaʼnimo maiʼnae, huno nehiye.

2 Tesaloniyani 3:2

Muki vayaʼmogimo apakesamo afiʼa fatago nosayaʼmofeʼmo hosu vayaʼai apayapatiʼmo lagufamo alino katino latesiyafeʼmo nunumuʼmo hutapa lateyo.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

1 Yoni 4:19

Gotiʼa hogoteno lagaefeʼmo hau ayamopafiʼmo hauʼniyaʼmofeʼmo lagaemo Gotifeʼmo lahau layamopafiʼmo nelahaiye.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.