Samu 96:5 - The Keyagana NT and 25 OT books

⁵ Muki alu nofi vaya alu nofi vayaʼai gotiʼapimogimo aigofe gotigimo maiʼnayaʼmonanafa Ala kava neʼmoʼa kokuʼnaʼmo alo huʼniye.

Samu 96:5 ပူးပေါင်းရင်းမြစ်များ

Aepa Gemae 1:1

Akeyaʼvilagamo aepa faiʼniya afinaʼmo Gotiʼa kokuʼnaʼe mopaʼeʼmo afa yatetiʼmo alo huʼniye.

Samu 115:15

Kokuʼnaʼe ma mopaʼeʼmo alo huʼniya Ala kava neʼmoʼa alino auleno lapateno.

Samu 135:15

Ma mopafi nofi vayaʼmogi aigofe gotiʼapimogimo siluva yafatetiʼmo alo huge goli vafatetiʼmo alo huge huʼnae. Vayaʼmogi apayatetiʼmo alo huʼnae.

Samu 135:18

Alo nehaya vayaʼmogi aigofe gotiʼapigana huʼa maiʼnae. Aigofe gotigifeʼmo aliʼa amufa neʼapamiya vayaʼmogi apakaekana huʼa maiʼnae.

Aiyeya 42:5

Ala kava neʼmo Gotiʼa kokuʼnaʼmo alo huteno palaketimo aliʼa api aiteʼa aliʼa yatala nehaya kava huno kokuʼnaʼmo alino api aiteno alino yatala huʼniye. Agaemo ma mopamo alo huteno muki ma mopafiʼmo maiʼnaya vayaʼe haneʼniya yaʼeʼmo alo huʼniye. Agaemo ma mopafiʼmo maiʼnaya vayaʼaina apavamusaʼmo apamige umenitata nehaya vayaʼmo apauneʼapameʼmo apamige nehiye. Ani Gotiʼa aliʼyaʼamo neʼaliya vekaeʼmo ina gemo huno ha painoʼaeʼmo.

Apa 19:26

Lapakaemo Poloʼa nehiya kavaʼmo agetetapa agae kavafeʼmo ava gemo ago afiʼnae. Agaemo mani Efasasi taonifiʼmo maiʼnaya vayaʼageʼmo alino aino atagineno noʼapatefa muki Esiya kotega maiʼnaya vayaʼeʼmo alino aino atagineno apatetenoʼaeʼmo, Vayaʼmogi apayatetiʼmo alo nehaya yaʼmo gotiʼapimogi oʼmaiʼnae, huno hapa paiteno apakesa magoʼe huno alino hapa nepaiye.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.