Samu 96:3 - The Keyagana NT and 25 OT books

³ Ala agiʼamo amitetapaeʼmo aliʼyaʼmo aliʼniya kavaʼaenagi lokiya kavaʼmo huʼniya kavaʼaenagi huta muki vayaʼaifeʼmo ava gemo huta hapa paiyo.

Samu 96:3 ပူးပေါင်းရင်းမြစ်များ

Samu 150:2

Himamuʼaletiʼmo huʼniya kavatefeʼmo agiʼaleʼmo alita asaga hiyo. Magoʼe huno hogote vekamo maiʼniya kava hutapa magoʼe huta agiʼaleʼmo alita asaga hiyo.

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 57:9

O Ala kava nene, huʼna, alu nofi vaya alu nofi vayaʼmogi folagapatiʼmo kagaefeʼmo mono huguve. Nagaemo muki vayaʼmogi folagapatiʼmo yokemo huʼna kagikaleʼmo aliʼna asaga huguve.

Samu 9:2

Kagaetefeʼmo lusi kava huʼna namogaga aiguve. O magoʼe huka anaga Gotigae, huʼna, kagaefeʼmo yokemo huʼna kagikaleʼmo aliʼna asaga huʼna kategauve.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Maika 4:2

Asole nofi vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.