Samu 96:1 - The Keyagana NT and 25 OT books

¹ Ala kava nefeʼmo saufa yokemo hiyo. Muki ma mopafi vayaʼmogimo Ala kava nefekeʼmo yokemo hiyo.

Samu 96:1 ပူးပေါင်းရင်းမြစ်များ

Samu 149:1

Ala kava neʼmo agiʼaleʼmo alita asaga hiyo. Saufa yokemo agaefeʼmo hiyo. Apaote vayaʼaʼeʼmo monoteʼmo alita anupa hutetapa agiʼaleʼmo alita asaga hiyo.

Samu 66:4

Muki ma mopafi vayaʼmogimo kagaetefeʼmo monoʼmo huteʼa yokemo huʼa kagikaleʼmo aliʼa asaga nehae. Yokemo huʼa ala kagikamo nekamiye.

Samu 68:32

Alu nofi vaya alu nofi vayaʼmogitapamo Gotifeʼmo yokemo hutapa Ala kava neʼmo agiʼaleʼmo alita asaga hiyo.

Samu 98:1

Lapakaemo Ala kava nefeʼmo saufa yokemo hiyo. Agaemo alopa alagepa kavaʼmo oʼageʼnona kavaʼmo huʼnigeta ageteta lahau aiʼnone. Agaemo lamaga lokiya ayatetiʼe aote himamuʼaletiʼeʼmo kamemo huno aeno apaka seʼniye.

Lomu 15:11

Magoʼe gemo hunoʼaeʼmo, Muki alu nofi vayaʼmogitapae, huno, Ala kava neʼmo agiʼaleʼmo alitapa asaga hiyo. Muki alu nofi vayaʼmogiʼe alu nofi vayaʼmogiʼeʼmo agiʼaleʼmo aliʼa asaga hiyo, huno huʼniye.

Leveleseni 14:3

Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.