Samu 95:7 - The Keyagana NT and 25 OT books

⁷ Gotitimoʼmo maiʼneno yagaino nelateya vayaʼmo sipisipi vayaʼamo agaiʼa kegiʼyafiʼmo uta haita maiʼnonaʼmofeʼmo agaefekeʼmo mono higetao. Hemenimo lapakaemo Goti geʼamo neʼafisayana

Samu 95:7 ပူးပေါင်းရင်းမြစ်များ

Samu 100:3

Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

Samu 115:3

Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 23:1

Vayaʼmogimo sipisipileʼmo yagaiʼa neʼapataya kava huno Ala kava neʼmoʼa yagaino neʼnateyanageʼna mago yafeʼmo alagi kafu osuguve.

Samu 48:14

Ani Gotiʼa muki afinaʼaeʼmo Gotitimoʼmo maige maige huno maigiye. Agaemo uno hogoteteno visuna kaʼmo alino lave lime lime neʼvisigeta faligune.

Samu 67:6

Ma mopafatiʼmo neʼyaʼmo ago afole aiʼnigenoʼaeʼmo Gotiʼa Gotitimoʼmo alino auleno lategaiye.

Samu 79:13

Inagi lagaemo vayakamo ina kava huta sipisipi anagakamogitamo muki afinaʼae afinaʼaeʼmo kahaoke hegaune.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Mai'naya kavane 8:6

Hogote alagepa gemo lapa paiguvaʼmofeʼmo lapaketafo hutapa afiyo. Navayafatiʼmo fatago gemo afole aigiye.

Aiyeya 55:3

Lapaketafo huta afitetapa nagaetegamo eyo. Afiyo, huʼna, lapakupi mafaʼnemo alagepa huno afaʼa maigiyanagi. Nagaemo hano osuno hanege hanege huno hanesiya kotalakemo lapakaeʼeʼmo hu malegauve. Nagaemo kini vekamo Nevinifeʼmo nahau huʼna kategauve, huʼna huʼnova polomasi gemo afaʼa amagiʼna oʼatalesuva agufa gemo ha paiʼnova kava huʼna lapa paiguve.

Maika 7:14

O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Himulu 3:15

Goti mukufiʼmo avoʼmo kae maleʼniya gemoʼmo hunoʼaeʼmo, Hemenimo Goti geʼamo neʼafisayana lapaipamo alita lokiya vailiʼnetapa oʼafiyo. Geʼnimo amagiʼa ataleʼnaya kava hutapa geʼnimo amagitapa oʼataleyo, huno huʼniye.

Himulu 4:7

Asole kafugamo ago utegeno Gotiʼa halate magoʼe afinaʼmo hu maletenoʼaeʼmo, Hemenimo u haitapa maita haga legae, huno hu maleʼniye. Gotiʼa mani gemo Nevini avayafatiʼmo, hemenimo Goti geʼamo neʼafitapaeʼmo lapaipamo alita lokiya vaitapa oʼateyo, huno huʼniye.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.

Leveleseni 3:20

Nageyo, huʼna, kipateʼmo he tiʼna maiʼneʼna hakalu hakalu huge huge huʼna neʼmauve. Mago vekamoʼmo geʼnimo afiteno kitamo yakino natesigeʼnaeʼmo uʼna haiʼna agaeʼeʼmo neʼyaʼmo nesugeno nagaeʼeʼmo neʼyaʼmo negaiye.