Samu 95:6 - The Keyagana NT and 25 OT books

⁶ Eta ape higetao Ala kava neʼmoʼa alo huno lateʼniya vekaeʼmo laleʼyaʼmo faiʼneta mono hugune.

Samu 95:6 ပူးပေါင်းရင်းမြစ်များ

Esala 9:5

Ani ofalini nehaya afinaʼmo afole aiʼnigeʼnaeʼmo inagi nagaemo nagufamo aliʼna afepiʼmo ateʼnova kavapatiʼmo he tiʼna naleʼyamo faiʼna maiʼneʼnaeʼmo Ala kava neʼmo Gotiʼnimofeʼmo nunumuʼmo hisuvafeʼmo lole nayatalaʼmo aliʼna asagauʼnove. Ani aliʼna apake aiʼnova kukena yaʼnimo vaiteʼna maiʼnove.

Samu 100:3

Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Samu 139:13

Muki nahau nayamopafiʼmo haneʼniya yaʼaʼnimo kagaikamo alo huʼnanageno kagaika yaʼmo haneʼniye. Muki nagufafiʼmo haneʼniya yaʼaʼnimo alo huteka alika itaʼnimo aipafiʼmo magokepi maleʼnane.

Samu 149:2

Isaleli vayaʼmogitapae, huʼna, Alo huno lapateʼniya Gotitapimofeʼmo lapamogaga aiyo. Saiyoni taonifi vayane, huʼna, kini vekatapiyeʼmo lapamogaga aiyo.

Samu 72:9

Kaʼme kotega maiʼnaya vayaʼmogimo agaeteʼmo ape huʼa maisageʼapaeʼmo kame vayaʼamogimo agaefeʼmo atete huteʼa apagoʼya faigae.

Samu 95:1

Egetao Ala kava neʼmo agiʼaleʼmo alita asaga huta agaefeʼmo mono yokemo hugune. Lokiya vekatimo yafakana huno maiʼneno lagufamo alino katino nelateya vekaekeʼmo alopa gefatiʼmo huteta lamogagamo aigune.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Aiyeya 54:5

Nagaemo Gotiʼnamo kagaemo alo huʼna kateʼnova vekamo anaukamonagana huʼna maiʼnove. Nagaemo nagiʼnimo Ala kava neʼmo muki lokiyaʼnimo haneʼniye. Nagaemo miya faiʼna hatu maeʼna kateʼnova vekamoʼnamo Isaleli vayaʼai aote Gotiʼapimoʼnamo maiʼnove. Muki ma mopafi vayaʼai Gotiʼapimoʼmo maiʼniye, huʼa agi neʼae.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Matiyu 4:2

Agaemo fotiʼa felugaʼe haniʼilagaʼeʼmo neʼyaʼmo oʼneno maiʼnigeno aga teʼnigeno maiʼniye.

Matiyu 4:9

Ave liteno ha painoʼaeʼmo, nagaeteʼmo kaleʼyamo faiʼneka mono hisanaʼmoʼmo muki mani yaʼamo afaʼa kamiguve, huno ha paiʼniye.

Maki 14:35

Apatalenuno aise afagiʼaleʼmo mopafiʼmo asagauno aino agoʼya faiʼnenoʼaeʼmo hosu afinaʼmo faino kasalo paesiyafeʼmo nunumuʼmo huʼniye.

Luki 22:41

apatalenuno yafa kayoʼmo yaga aunageno uno nehaneya agufa afafaleʼmo uno aleʼya faiʼneno nunumuʼmo hunoʼaeʼmo,

Yoni 1:3

Gotiʼa agaetetikeʼmo muki asole yaʼamo alo huʼniye. Magoke yaʼmo mago alu katetiʼmo alagi afole oʼaiʼniye.

Apa 20:36

Ani gemo hapa paitenoʼaeʼmo apakaeʼeʼmo magokepi aleʼyamo faino maiʼnenoʼaeʼmo nunumuʼmo huʼniye.

Apa 21:5

Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

Efasasi 3:14

Gotiʼa fikumo lapa maeno lapamiʼniyaʼmofeʼmo Ala kava netimo Afoʼamo aulagaleʼmo naleʼyaʼmo faiʼneʼna nunumuʼmo nehuve.

Filipai 2:10

Amiʼniyaʼmofeʼmo muki kokuʼnapi vayanagi ma mopafi vayanagi ma mopamo afeʼalumelaga vayanagi huʼa apaleʼya faiʼneʼapaeʼmo

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.

Leveleseni 22:8

Nagaemo Yoniʼnamo ani gemo afiteʼnaeʼmo ani kavaʼmo ageʼnove. Afige agege huteʼnaeʼmo agaefeʼmo mono hisuvafeʼmo alino nave liʼniya enisole vekamo aiyafiʼmo asagauʼna aiʼnovaʼmonanafa