Samu 95:2 - The Keyagana NT and 25 OT books

² Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.

Samu 95:2 ပူးပေါင်းရင်းမြစ်များ

Samu 100:2

Ala kava neʼmo agiʼalefeʼmo mono nehutapaeʼmo lapamogaga lapamagaga aita maiyo. Yokemo hutetapaeʼmo agaemo maiʼniya yategamo eta maiyo.

Samu 100:4

Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

Samu 105:2

Agaefekeʼmo yokemo huge samu yokemo huge hiyo. Lapau neʼaiya kavaʼaʼe kavaʼaʼeʼmo ava gemo hiyo.

Samu 17:13

O Ala kava nene, huʼna, he tikeka apakaeʼeʼmo fotu nehukaeʼmo mopafiʼmo alika yaga auka apatalo. Kagaemo naipekaletiʼmo hosu vayaʼai apayapatiʼmo nagupi mafaʼnemo alika katika nato.

Samu 7:7

Muki vayaʼmo alika anupa huka apatesana folagapiʼmo uka haika apaka seka maiʼneka yagaika apato.

Samu 81:2

Alagepa agemo aisiya agufa yateʼmo amagiyo.

Samu 98:4

Muki ma mopafi vayane, huʼna, Ala kava nefeʼmo alopa gefatiʼmo hutetapa lapamogaga aiyo. Lapamogaga aitetapaeʼmo yokemo huta agiʼaleʼmo alita asaga hiyo.

Maika 6:6

Nagaemo Ala kava neʼmo kokuʼnapi Gotitegamo uʼna aulagaleʼmo he tiʼna maisuvafeʼmo na agufa yaʼeʼmo aliniʼna uʼna agaefeʼmo mono huguve. Nagaemo ape huʼna magoke kafugamo maiʼnaya pulumaka aikelimo apavaleliʼnuʼna apamagiʼna ani ofalinimo atafiʼmo kaeʼna amisufiye.

Efasasi 5:19

Maiʼnetapaeʼmo konagatapimogifeʼmo Samu gemo huge mono yokemo huge lapaunelapametetiʼmo yokemo huge huta hapa paiyo. Lapaipafiʼmo mono yokemo huge Ala kava nefeʼmo Samu yokemo huge hutapa maiyo.

Yemisi 5:13

Lapakaepatiʼmo mago vekamoʼmo kana yaʼmo neʼalisiyana nunumuʼmo hino. Lapakaepatiʼmo mago vekamoʼmo amogaga neʼaisiyana Samu mono yokemo hino.