Samu 92:6 - The Keyagana NT and 25 OT books

⁶ Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Samu 92:6 ပူးပေါင်းရင်းမြစ်များ

Samu 104:24

O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Samu 139:14

Kagaemo alagepa huka alo huka nateʼnanaʼmofeʼmo koli huteʼna kagikaleʼmo aliʼna asaga nehuve. Nagaetegamo huʼnana kavaʼmo ageteʼnaeʼmo nahau neʼauve. Huʼnana kavafeʼmo alagepa kavaʼmo huʼnane, huʼna huteʼna aliʼna namalagiʼnove.

Samu 14:1

Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 32:9

Hosimogi apakesamo oʼafiʼnageʼa vayaʼmogigeʼmo geʼapimo afisayafeʼmo apavayafiʼmo aenimo ateteʼa nofi aeteʼa yagaiʼa apateʼneʼa aliʼa api aiʼa neʼapatae. Hosigana hutapa oʼmaiyo.

Samu 49:10

Apakaemo ago apakeʼnayana ageteʼa afiʼnaya vayaʼmo ago nefaliya kava huʼa muki vayaʼmo oʼafiʼnaya vayaʼe negi vayaʼeʼmo faliʼapaeʼmo kagemi yaʼapimo ataleʼa faliʼnageʼapaeʼmo alu vayaʼmogi neʼaliye.

Samu 73:22

Negi nagi kavaʼmo huteʼna oʼagege oʼafige huteʼna kaulagaleʼmo maiʼneʼnaeʼmo afela afugana huʼna maiʼnove.

Samu 75:4

Nagaemo apakiʼapileʼmo aliʼa asaga nehaya vayaʼaifeʼmo hapa paiʼnaeʼmo, Lapakitapileʼmo alita asaga osiyo, huʼna hapa nepauve. Nagaemo ge noʼafiya vayaʼaifeʼmo hapa paiʼnaeʼmo, Himuʼnamu kavaʼmo osiyo.

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Mai'naya kavane 24:7

Afiteʼa agesaya kavaʼmo muga anagamo haneʼniyaʼmofeʼmo negi vekamoʼmo afaʼa oʼaligiye, Vayaʼmo aliʼa anupa huʼa maiʼneʼapaeʼmo ge huge afige nehagenoʼaeʼmo ge osuno afaʼa neʼmaiye.

Mai'naya kavane 30:2

Muki vayaʼmogimo ago aeʼa naga seʼnageʼna alagi oʼafiʼnova vekamo maiʼnove. Vayaʼmogi afiʼa aeto nehaya kava huʼna afiʼna aeto osuʼnove.

Aiyeya 1:3

Pulumakamogimo afoʼapimoʼmo ago ageʼnae. Nokimogimo afoʼapimoʼmo neʼyaʼmo neʼapamiya yuvapamo ago ageʼnae. Ageʼnayaʼmonanafa Isaleli vayaʼmogi nagaemo nageʼa aeto osuʼnae. Vayaʼnimo maiʼnayaʼmonanafa nagaefeʼmo apakesamo noʼafiye.

Aiyeya 55:9

Kokuʼnaʼmo anaga afagiʼaleʼmo haneʼnenoʼaeʼmo ma mopamo lusi kava huno aeno aga seʼniya kava huno nehuva kavaʼnimoʼe naipa nagesamo neʼafuva kavaʼnimoʼeʼmo nehaya kavatapiʼe lapaipa lapakesamo neʼafiya kavatapiʼeʼmo lusi kava huno aeno aga seʼniye.

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

1 Kolitiyani 2:14

Goti Aunemeʼamo oʼaliʼnisaya vayaʼmogimo Goti Aunemeʼamoʼmo alino neʼapamiya geʼaeʼmo ohapauʼnigeʼa noʼaliye. Apakaemo huʼapaeʼmo, negi nagi gemae, huʼa apakesamo neʼafiye. Aunemeʼaletikeʼmo afiʼa aeto hisaya agufa gemo haneʼniyaʼmofeʼmo afaʼa afiʼa aeto osugae.