Samu 91:4 - The Keyagana NT and 25 OT books

⁴ Agaemo hakumo alino atalelineno hakufiʼmo alino fala kino katesigeka alagepa huka hakufiʼmo fala kika maigane. Lama geʼamoʼmo kagae halegukana huno haneʼneno yagaino katesigeka maigane.

Samu 91:4 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Samu 138:2

Kagaemo nagaefeʼmo muki afinaʼaeʼmo alagi kahauʼnigeka lama geʼageʼmo nehanaʼmofeʼmo nagaemo kagaemo kaote mono noʼmo aulagamo mono huʼna kagikaleʼmo aliʼna asaga huguve. Kagaemo kagikaleʼmo alika asaga huteka gekaleʼmo magoʼe huka alika asaga huʼnane.

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 57:1

O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.

Samu 61:4

Nagaemo alagepa seli nokafiʼmo muki afinaʼmo maige maige huʼna maiguve. Nagaemo kahakufiʼmo fala kiʼna maisuvafeʼmo aliʼna amufa kamiguve.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Maki 13:31

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno hanege hanege huno hanegaiye.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.