Samu 91:1 - The Keyagana NT and 25 OT books

¹ Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Samu 91:1 ပူးပေါင်းရင်းမြစ်များ

Samu 121:5

Ala kava neʼmoʼa yagaino nekateya vekamo maiʼniye. Ala kava neʼmoʼa kahaopaleʼmo he tino maiʼnigenoʼaeʼmo auneʼamoʼmo uluna vaino kateʼnigeka ani ulunapiʼmo maiʼnane.

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 27:5

Hanageke yaʼmo afole aisiya afinaʼmo alino fala kino natege alopa mono noʼafiʼmo alino fala kino natege huteno yatala yafateʼmo nasagauno faino nategaiye.

Samu 31:20

Vayaʼmogimo apakaetegamo hosu kavaʼmo hisayafeʼmo vege nehayaʼmonanafa oʼageʼnaya kahaopalegamo alika fala kika apategane. Hosu gemoʼmo alino afepiʼmo oʼapatesiyafeʼmo alagepa huka yagaika apategane.

Samu 32:7

Kagaepiʼmo eʼna fala kiʼnisugekaeʼmo hanageke yaʼmo oʼalisuvafeʼmo yagaika nategane. Kagaemo nagufamo alika katika natesana yokemo nehisugekaeʼmo faika vego huka yagaika nategane.

Samu 36:7

O Gotiyo, huʼna, olataleka lagaefeʼmo kahau kayamopafiʼmo kahauʼniya kavakamoʼmo kanale alagepa kavaʼmo haneʼniyaʼmofeʼmo lahauʼniye. Kagaefeʼmo alita amufa kamiʼnonaʼmofeʼmo kahakumo auneʼafiʼmo uta fala kita neʼmaune.

Samu 57:1

O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.

Samu 90:1

Ala kava nene, huʼna, lagaemo muki afinaʼaeʼmo afole aige aige huta neʼmaunagekaeʼmo kagaemo muki afinaʼmo notigana huka maiʼnane.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Aiyeya 25:4

Kagaemo kagemi yaʼapimo ohaneʼniya vayaʼmo alika lokiya vaika apateʼnane. Kagaemo kafu nehaya vayaʼmo alika lokiya vaika apateʼnane. Kagaemo fala kiʼa maiʼnaya koʼapigana huka maiʼnane. Kana yaʼmo afole aiʼniya afinaʼmo apakaiʼapimo hapa maesiya yaʼmo oʼaliʼnisaya vayaʼmo fala kiʼa maiʼnaya koʼapigana huka maiʼnane. Koli yaʼmo aliʼa neʼapamiya vayaʼmogimo apaipamo neleya kavaʼmoʼa lokiya yasimoʼmo kegiʼyamo alino agoʼya faino neʼataleya yasigana huno haneʼniyaʼmofeʼmo yasi alige ko aige amuko huge huʼniya afinaʼmo aika ati kaeka apateʼnane.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.