Samu 90:11 - The Keyagana NT and 25 OT books

¹¹ Ina laʼmo kaipamo leʼniya lokiyakamo ageno alagepa huʼniye. Kaipamo leʼnigeka kayamukiki nehanageʼapaeʼmo lusi kava huʼa koli nehaya kavakamo ina laʼmo ageno alagepa huʼniye.

Samu 90:11 ပူးပေါင်းရင်းမြစ်များ

Samu 76:7

Vayaʼmogimo kagaefeʼmo koli hiyo. Kaipamo lesigekaeʼmo ina laʼmo kaulagaleʼmo he tino maigiye. Haʼao, mago vekamoʼmo afaʼa he tino oʼmaigiye.

Aiyeya 33:14

Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.

Neyomi 1:6

Agaemo aipamo lesiya afinaʼmo ina laʼmo aulagaleʼmo afaʼa he tino maigiye. Aipamo leno apatesigeʼapaeʼmo haiya vayaʼmo afaʼa maigae. Aipamo leno apateteno kayoʼmo neʼapamiya kavaʼmo atagana huno vayaʼai apakenopaleʼmo asagauno neʼaiye. Aipamo neleya kavaʼmoʼa yafaʼmo aino naku nepae.

Luki 12:5

Ina lafeʼmo koli hisafigeʼna lapa paiguve. Afaʼa lahapaesigeta falitesagenoʼaeʼmo himamuʼaletiʼmo alino ata kopiʼmo yaga auno lapatalesiya vekaekeʼmo koliʼamo hiyo. He, agaefekeʼmo koliʼamo hiyo, huʼna nehuve.

2 Kolitiyani 5:11

Ala kava nefeʼmo koli nehutaeʼmo lagaefeʼmo alagi lama gemo nehae, huʼa apakesamo afiʼa fatago hisayafeʼmo apakesamo alita hapa nepaune. Gotiʼa laipafiʼmo ago agetenoʼaeʼmo, alagi lama gemo nehae, huno nehigetapaeʼmo lapaipafatiʼmo, alagi lama gemo nehae, hutapa nehafi huta lagesamo afitetaeʼmo, nehae, huta nehune.

Leveleseni 6:17

Anaipamo leʼana neʼapataʼa afinaʼmo afole aiʼnigi haiya vayaʼmo afaʼa he tiʼa maigae, huʼa huʼnae.