Samu 9:9 - The Keyagana NT and 25 OT books

⁹ Ala kava neʼmoʼa aliʼa afepi neʼapataya vayaʼmo avaʼe note lafi kegiʼyaʼapimo maiʼniye. Hanageke yaʼmo neʼaliya afinaʼmo agaepiʼmo alagepa huʼa maiʼnae.

Samu 9:9 ပူးပေါင်းရင်းမြစ်များ

Samu 108:12

Vayaʼmogimo hapa neʼmaya kavaʼmo ina agufa kavaʼmo haneʼniyaʼmofeʼmo hanageke kavatilefeʼmo laha mao.

Samu 142:4

Kagaemo lamaga nahaopaleʼmo ago. Alagepa huʼna maisuvafeʼmo mago yagaino natesiya vekamo oʼmaiʼniye. Mago ayu noʼnimo ohaneʼniye. Muki vayaʼmogi afaʼa maisuvafeʼmo apakesamo noʼafiye. Mago vekamoʼmo nagupi mafaʼneeʼmo agesamo oʼafiʼniye.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 20:1

Kagaemo hanageke yaʼmo alisana afinaʼmo Ala kava neʼmoʼa kaha maeteno. Yekopu Gotiʼamoʼmo alagepa huno yagaino kateno.

Samu 32:7

Kagaepiʼmo eʼna fala kiʼnisugekaeʼmo hanageke yaʼmo oʼalisuvafeʼmo yagaika nategane. Kagaemo nagufamo alika katika natesana yokemo nehisugekaeʼmo faika vego huka yagaika nategane.

Samu 37:39

Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 46:7

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo uta fala kita neʼmauna kotigana huno maiʼniye.

Samu 48:3

Gotiʼa ani taonifiʼmo maiʼneno taonifiʼmo neʼmaiya vayaʼmo hapa neʼmae.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Samu 67:5

O Gotiyo, huʼna, alu nofi vaya alu nofi vayaʼmogimo kagikaleʼmo aliʼa asaga hiyo. Muki alu nofi vaya alu nofi vayaʼmogimo kagikaleʼmo aliʼa asaga hiyo.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Samu 96:10

Muki alu nofi vaya alu nofi vayaʼaifeʼmo, Ala kava neʼmoʼa yagaino neʼmaiye, hutapa hapa paiyo. Mopamo alino lokiya vaino ateteno maleʼniyanageno afaʼa hanegaiye. Agaemo fatago kavaʼmo nehunoʼaeʼmo muki vayaʼmo alino fako huno apategaiye.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.