Samu 9:19 - The Keyagana NT and 25 OT books

¹⁹ O Ala kava nene, huʼna, he tiyo. Fiku yanageka apakeka apataleʼnisanageʼa aeʼa apaka segae. Malaga vayaʼmo apavalelikeka apateʼneka agoti huka apato.

Samu 9:19 ပူးပေါင်းရင်းမြစ်များ

Aepa Gemae 32:28

Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.

Samu 10:12

O Ala kava neʼmo Gotiyo, huʼna, he tika hosu vayaʼaina kayoʼmo apamiyo. Aliʼa afepiʼmo apateʼnaya vayaʼaifeʼmo kage okanika kagesamo afiyo.

Samu 149:7

Apakaemo alu nofi vaya alu nofi vayaʼmogi hosu kavaʼapilefeʼmo kamemo hiyo. Apakaemo muki vayaʼaina kayoʼmo apamiyo.

Samu 3:7

Ala kava neʼmo Gotiʼnimogae, huʼna, he tika nagufamo alika katika nato. Kagaemo muki kame vayaʼnimo kayoʼmo neʼapaminagenoʼaeʼmo lokiyaʼapimo alagi hano nehiyanageʼa oʼnahaegae.

Samu 7:6

O Ala kava nene, huʼna, kaipamo leʼninageka he tiyo. Kame vayaʼnimogi apaipa leʼnigeʼa namagisayafeʼmo apayamukiki nehayanagi he tika naha mao. Fatago kavafeʼmo kahauʼniyanagi alika fako huka apato.

Samu 79:6

Kagaemo okageʼnaya nofi vayaʼaiteʼe kagikaleʼmo aeʼa keya aeʼa nunumuʼmo nosaya vayaʼaiteʼeʼmo kaipamo neleya kavaʼmo anikana huka lakiyo.

Samu 80:2

Kagaemo Ifalemu vayaʼai apaulagalenagi Menisameni vayaʼai apaulagalenagi Manasa vayaʼai apaulagalenagi huka afole aiteka lokiyakamo alika lavelikaeʼmo lagufamo alika katika lato.

Aiyeya 51:9

Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.

Maika 5:15

Inagi nagaemo lusi kava huno naipamo leʼnisigeʼna ani nofi vayaʼmogimo geʼnimo akame osuʼnaya kavaʼmo anonaʼapilefeʼmo apamiguve, huno huʼniye.

Sefanaiya 3:8

Ala kava neʼmoʼa hunoʼaeʼmo, Agoti huʼna apatesuvafeʼmo nagava maiʼnigeʼnao. Nagaemo naipamo leʼnisigeʼna kayoʼmo apamisuvafeʼmo muki nofi vayaʼmo apavaleʼna aliʼna anupa huʼna apategauve, huʼna hu maleʼnove. Lusi kava huno naipamo leʼniyanageʼna kaino nefauva kavaʼniletiʼmo muki ma mopafi vayaʼmo aliʼna hano huʼna apatalegauve.

Leveleseni 19:15

Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.