Samu 9:15 - The Keyagana NT and 25 OT books

¹⁵ Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Samu 9:15 ပူးပေါင်းရင်းမြစ်များ

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 13:6

O Ala kava nene, huʼna, nagaetegamo alagepa kavaʼmo huʼnanaʼmofeʼmo kagaefeʼmo yokemo huguve.

Samu 20:6

Hemenimo nagaemo ago afiʼnovana Ala kava neʼmoʼa lekana paino ateteno uvelimo faleno ateʼniya vekamo agufamo alino katino neʼate. Agaemo aote kokuʼnapatiʼmo geʼaleʼmo aeno atagaina hugiye. Agaemo apakufamo alino katino neʼapateya lokiyaʼaletiʼmo geʼaleʼmo aeno atagaina hugiye.

Samu 37:15

Naipeʼapimoʼmo apakaiʼapi apaipafiʼmo aesigenoʼaeʼmo atiʼapimo lo aegaiye.

Samu 57:6

Natafausayafeʼmo aneʼaimo hanagi maleʼnae. Lusi kana yaʼmo aliʼnove. Apakaemo nagaemo cvisuva kateʼmo kafi maleʼnaya kelifiʼmo apakaiʼapimo asagauʼa aiʼnae.

Mai'naya kavane 22:8

Vayaʼmogimo hosu kavaʼmo nehaya kavaʼmo avina yaʼmo hakalegekana huʼa nehakalayanageʼa neʼyaʼmo neʼaliya kava huʼa kana yaʼmo aligae. Apaipamo leʼnigeʼa kayoʼmo neʼapamiya kavaʼmo hano hugiye.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.