Samu 9:14 - The Keyagana NT and 25 OT books

¹⁴ Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Samu 9:14 ပူးပေါင်းရင်းမြစ်များ

Samu 106:2

Ina lagimo huʼniya kavafeʼmo ava gemo hugae. Alagepa kavaʼmo lusi kanale kavaʼmo huʼniyaʼmofeʼmo ina lagimo ani kavaʼmo huʼa agiʼaleʼmo aliʼa asaga hugae.

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 20:5

Lagaemo agaemo kagufamo alino katino katesiya kavafeʼmo lamogaga aigune. Lagaemo Goti agiʼalefekeʼmo kalahauʼmeʼmo asai malegaune.

Samu 21:1

O Ala kava nene, huʼna, Kini vekamoʼmo lokiyakalefeʼmo amogaga aigiye. Agaemo agufamo alika katika ateʼnana kavafeʼmo lusi kava huno amogaga aigiye.

Samu 22:22

Naganaʼnimogifeʼmo kagaemo naha maeʼnana kavafeʼmo nava gemo aeʼna hakalo huʼna hapa paiguve. Aliʼa anupa huʼa neʼmaiya vayaʼai folagapatiʼmo kagikaleʼmo aliʼna asaga huguve.

Samu 22:25

Asole vayaʼmo aliʼa anupa huʼa neʼmaiya folagapatiʼmo kagikaleʼmo aliʼna asaga huguve. Kagaefeʼmo mono nehaya vayaʼai apaulagaleʼmo kagaefeʼmo ani kavaʼmo huguve, huʼna kaha paiʼnova kavaʼmo huguve.

Samu 42:4

Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 51:12

Hogoteka nagufamo ago alika katika nateʼnanageʼnaeʼmo namogaga aiʼnovanagi halate namogaga aisuva kavaʼmo alika namiyo. Hatu maeno natesiya Kaunekametetiʼmo natafauka maiyo.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Samu 6:3

Nagupi mafaʼnemoʼmo lusi kava huno kana hauʼnigi na magi afinaʼmo maiteka naha maegane.

Samu 75:9

Ina kava huʼa hosu vayaʼmogimo alagi afela hegayaʼmonanafa nagaemo muki afinaʼaeʼmo Yekopu Gotiʼamofeʼmo ava gemo hapa paige agaefeʼmo yokemo huʼna ala agiʼamo amige huguve.

Samu 79:13

Inagi lagaemo vayakamo ina kava huta sipisipi anagakamogitamo muki afinaʼae afinaʼaeʼmo kahaoke hegaune.

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Hatu maeno apate'niya gemae 3:9

Isaleli vayaʼmo apakafu kiʼnigeʼa kage gage nehaya gemo afige Isipi vayaʼmogimo hapaise vose aliʼyaʼmo apamiteʼapaeʼmo aliʼa afepi neʼapataya kavaʼmo agege huʼnove.

Aiyeya 12:3

Hamaleʼniyaʼmofeʼmo kagufamo alino katino kateʼniya kavaʼmoʼa ani keli kotugana huno haneʼniye. Kagaemo ani ani kotupatiʼmo aniʼmo he fika netekaeʼmo kamogaga aige aige huka maigane.

Aiyeya 62:11

Inagi Ala kava neʼmoʼa muki ma mopafiʼmo maiʼnaya vayaʼaifeʼmo ina gemo huno hapa paiʼniye. Lapakaemo Saiyoni taonifiʼmo maiʼnaya vayaʼaifeʼmo, Lama gemo nehune, hutapa lapakufamo alino katino lapatesiya vekamo egaiye. Afiyo, hutapa, Agaemo aliʼyaʼalefeʼmo miyaʼmo alinino egaiye. Alisiya aliʼyaʼamo aulagaleʼmo haneʼniye, hutapa ha paiyo.

Maika 4:13

Ala kava neʼmoʼa Yulusalemu vayaʼaifeʼmo ina gemo huno hapa paigiye. Saiyoni a mafaʼneo, huno, he tika uka kaiyaletiʼmo aeka lata paiyo. Nagaemo lapakaemo mago ve pulumakamoʼa aeni lokiyaʼagi aeni aiyagi huno maiʼniya agufa ve pulumakagana huʼna lokiya vaiʼna lapategauvaʼmofeʼmo lapakaemo muki asole nofi vayaʼmo aeta lata paigae. Kame vayatapimogimo muki yaʼmo kamefatiʼmo aliʼnaya yaʼmo lapakaemo alitetapa malesaya yaʼmo namigae. Nagaemo muki ma mopafi vayaʼai Ala kava neʼapimoʼnae.

Hamakaki 3:18

nagaemo Ala kava netefeʼmo namogaga aiguve. Nagufamo alino katino neʼnateya Gotifeʼmo namogaga aiguve.

Luki 1:47

Nauneʼnameʼmo Gotiʼa agufamo alino katino ateʼniya vekaeʼmo amogaga neʼaiye.

1 Samiyo 2:1

Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.