Samu 9:13 - The Keyagana NT and 25 OT books

¹³ O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Samu 9:13 ပူးပေါင်းရင်းမြစ်များ

Aepa Gemae 4:10

Ala kava neʼmoʼa, na agufa kavaʼmo huʼnane. Nagaefeʼmo kaganakamo kolaʼamoʼmo mopafatiʼmo keya aeno ge nehiye.

Aepa Gemae 4:9

Faliʼnigenoʼaeʼmo Ala kava neʼmoʼa Kenifeʼmo, Kaganakamoʼmo Evoʼmo haiyaʼaleʼmo maiʼniye, huno ge huno afi geʼnigenoʼaeʼmo, nagaemo oʼageʼnove. Naganaʼnimoteʼmo nagaemo yagaiʼna ateʼnova vekamo maiʼnogekaeʼmo nehapiye, huno huʼniye.

1 Kini 21:19

Kagaemo agaefeʼmo ina gemo huka ha paiyo. Ala kava neʼmoʼa kagaefeʼmo hunoʼaeʼmo, Kagaemo ani vekamo ago kamitimo amagitekaeʼmo hemenimo nofi hoyaʼaʼeʼmo alisanafeʼmo nehapiye, huno hutenoʼaeʼmo ina gemo huka ha paikaeʼmo, Kala anagaʼmogi Nemoti kolaʼmo sagani sagani huʼa neʼnaya koteʼmo kagae kolaʼeʼmo sagani sagani huʼa negae, huno naha paiʼniye, huka ha paiyo, huno ha paiʼniye.

Samu 10:12

O Ala kava neʼmo Gotiyo, huʼna, he tika hosu vayaʼaina kayoʼmo apamiyo. Aliʼa afepiʼmo apateʼnaya vayaʼaifeʼmo kage okanika kagesamo afiyo.

Samu 107:18

Muki alu neʼya alu neʼyafeʼmo ohapauʼniyaʼmofeʼmo falisayafeʼmo huʼnae.

Samu 119:132

Kagikaeʼmo hapau apayamopafiʼmo hapauʼniya vayaʼaitegamo nehana kava huka nagaefeʼmo kahau huka nato.

Samu 119:153

Nagaemo keʼaepa gekaeʼmo nage okaniʼniyaʼmofeʼmo kana yaʼmo aliʼnovanagi kagesamo afiteka hatu maeka nato.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 13:3

O Ala kava neʼmo Gotiʼnimogae, huʼna, kagesa afifi nehuka geʼnileʼmo aeka atagaina huka naha paiyo. Fiku yanageʼna faliguvanagi kayamufa huka nato.

Samu 142:6

Alagi afepilagamo maiʼnovanagi kagaefeʼmo naha mao, huʼna keya aeʼna ge huʼnova gemo afiyo. Kame vayaʼnimogi lokiyaʼapimoʼmo lokiyaʼnimo aeno nagaseʼniyaʼmofeʼmo apayapatiʼmo nagufamo alika katika nato.

Samu 25:19

Kame vayaʼnimo asole vayaʼmo maiʼnayaʼmofeʼmo apakaefeʼmo kagesamo afiyo. Apakaemo nagaefeʼmo apaini huʼnae.

Samu 30:3

O Ala kava nene, huʼna, Kagaemo nagaemo ofalisuvafeʼmo alagi naha maeʼnane. Nagaemo faliʼnaya vayaʼmo uʼa lamiʼnaya kelifiʼmo uʼna olamisuvafeʼmo lokiya vaika nateʼnane.

Samu 38:19

Apakaetegamo hosu kavaʼmo osuʼnogeʼa afaʼa neʼmaiya kame vayaʼnimogiʼeʼmo lokiya vayaʼageʼmo maiʼnae. Asole vayaʼmogimo nagaefeʼmo fikumo apaini nehae.

Samu 51:1

O Gotiyo, huʼna, kahau kayamopafiʼmo kahauʼnigeka hapa neʼmana kava huka kahau huka nato. Lusi kava huka kahau huka neʼapatana kava huka gekamo amagiʼna neʼatalova kavaʼnimo aeka kalo paeka atalo.

Yoni 2:6

Ani nopiʼmo sigisiʼa yafa ani keʼmo haneʼnigeno Yu vayaʼai mono kavaʼapimo akame huʼa aniʼmo nefalaya keʼmo haneʼniye. Ani kepiʼmo teniʼa paketi aniʼmo haneʼnisifi fifitiniʼa paketi aniʼmo haneʼnisifi huʼniya ani keʼmo haneʼniye.