Samu 9:1 - The Keyagana NT and 25 OT books

¹ O Ala kava nene, huʼna, muki naipafatiʼmo ala kagikamo kamiguve. Lusi kava huka alagepa kavaʼmo nehana kavafeʼmo aeʼna hakalo huʼna hapa paiguve.

Samu 9:1 ပူးပေါင်းရင်းမြစ်များ

Samu 106:2

Ina lagimo huʼniya kavafeʼmo ava gemo hugae. Alagepa kavaʼmo lusi kanale kavaʼmo huʼniyaʼmofeʼmo ina lagimo ani kavaʼmo huʼa agiʼaleʼmo aliʼa asaga hugae.

Samu 111:1

Ala kava neʼmo agiʼaleʼmo alita asaga hiyo. Nagaemo muki naipafatiʼmo fatago vayaʼmo aliʼa anupa huʼa maiʼnayategamo Ala kava neʼmo agiʼaleʼmo aliʼna asaga huguve.

Samu 138:1

Nagaemo muki naipafatiʼmo kagikaleʼmo aliʼna asaga huguve. Nagaemo aigofe gotigi apaulagaleʼmo kagikaleʼmo aliʼna asaga hisuva yokemo huguve.

Samu 26:7

Nagaemo Samu yokemo huʼna kahaoke hegauve. Nagaemo alopa kanale alagepa kavaʼmo nehana kavakalefeʼmo aeʼna hakalo huʼna hapa paiguve.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Samu 7:17

Ala kava neʼmoʼa fatago kavaʼmo huno alino fako nehiyaʼmofeʼmo haoke hegauve. Nagaemo Ala kava neʼmo magoʼe huno anaga Goti agiʼaleʼmo yokemo huʼna aliʼna asaga huʼna ategauve.

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 43:21

Nagaemo ani vayaʼmo nagaiʼni vayaʼnimo aliʼna ha maleʼna apateʼnovanageʼa apakaemo ala nagiʼnieʼmo aeʼa hakalo hugae.

Aiyeya 60:6

Asole kamo afu anagaʼmo Mitiyani kotegatinagi Ifa kotegatinagi Sima kotegatinagi huʼa kagemi yaʼmo aliniʼa kagaetegamo egae. Sima kotegatiʼmo esaya kamo afu anagaʼmogimo goli yafaʼe atafiʼmo kaeʼnageno alagepa atumo neʼaiya yaʼeʼmo aliniʼa kagaetegamo egae. Esaya vayaʼmogimo Ala kava neʼmo ala agiʼaleʼmo aliʼa asaga huʼa ategae.

Luki 10:27

Ala kava neʼmo Gotikamofekeʼmo muki kaipafatinagi muki kagupi mafaʼnefatinagi muki himamukafatinagi muki kagesamo neʼafina yapatinagi huka kahau kayamopafiʼmo kahaino. Kagaikaeʼmo kahau kayamopafiʼmo kahauʼniya kava huka kahaopaleʼmo maiʼnaya vayaʼaifeʼmo kahaino, huno ha paiʼnigenoʼaeʼmo,

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.