Samu 89:5 - The Keyagana NT and 25 OT books

⁵ O, Ala kava nene, huʼna, kokuʼnapiʼmo maiʼnaya vayaʼmogi nehana kavakamo ageteʼapaeʼmo hapau aiteʼa ala kagikamo kamigae. Apaote vayaʼmo aliʼa anupa huʼa maiʼneʼapaeʼmo gekamo akame nehana kavakalefeʼmo alagepa kavaʼageʼmo nehiye, huʼa hugae.

Samu 89:5 ပူးပေါင်းရင်းမြစ်များ

Samu 19:1

Kokuʼnateʼmo haneʼniya yaʼmoʼa Goti ha le konali yaʼaeʼmo aeno hakalo huno hapa nepaiye. Kokuʼnaʼmoʼa Goti alagepa aliʼyaʼamo alino apave neliye.

Samu 50:6

Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.

Samu 61:8

Naha maesanageʼna muki afinaʼmo kagikaleʼmo aliʼna asaga huʼna katege katege huʼna maiguve. Huguve, huʼna kaha paiʼnova geʼniletiʼmo ani kavaʼmo akame hisuvafeʼmo muki afinaʼae afinaʼaeʼmo kagikaleʼmo aliʼna asaga huʼna kategauve.

Samu 89:30

Mafaʼne anagaʼamogimo keʼaepa geʼnimo ataleteʼa aliʼna fako hu maleʼnova geʼnimo akame osuge

Samu 89:37

Kaimoʼmo hanege hanege huno neʼmaiya kava huno fai maiʼneno yagaino neʼapateya siyateʼmo muki afinaʼmo fai maiʼneno yagaino apategaiye. Kokuʼnapatiʼmo kaimoʼmo, Gotiʼa maiʼniye, huno lama gemo nehiye, huno nehiya kaigana huno maiʼneno yagaino apategaiye.

Samu 89:7

Apaote vayaʼmo aliʼa anupa huʼa maiʼnayategamo Gotifekeʼmo lusi kava huʼa koli huʼnae. Gotiʼeʼmo magokepi lokaeʼa maiʼnaya vayaʼmogi agaefeʼmo koli huʼnae.

Samu 97:6

Kokuʼnate yaʼmogi fatago kavaʼamo aliʼa lave neliye. Muki ma mopafi vayaʼmogimo ha le konali yaʼamo neʼagae.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.