Samu 89:27 - The Keyagana NT and 25 OT books

²⁷ Yege mafaʼneʼnimo maiʼniye, huʼna hu malegauve. Agaemo muki ma mopafiʼmo maiʼnaya kini vayaʼmo ago aeno apakaseno hogote kini vekamo maigiye.

Samu 89:27 ပူးပေါင်းရင်းမြစ်များ

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Hatu maeno apate'niya gemae 4:22

Ani afinaʼmo kagaemo kini vekamo Felofeʼmo, Ala kava neʼmoʼa, Isaleli vayaʼaifeʼmo yege mafaʼneʼnigana huʼa maiʼnae, huno naha paiʼniye, huka ha paiyo.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Napa 24:7

Isaleli vayaʼmogi koteʼmo asole koʼmo aisigeʼapaeʼmo alagepa mopafiʼmo avina yaʼmo hakalegae. Isaleli kini vekamoʼmo kini vekamo Egakiʼmo aeno agasegaiye. Isaleli kini vekamoʼmo asole nofi vayaʼaiteʼmo yagaino apategaiye.

Lomu 8:29

Ani kavatefeʼmo Gotiʼa hogoteno agesamo afitenoʼaeʼmo hau ayamopafiʼmo hauʼniya vayaʼaifeʼmo, mafaʼneʼnigana huʼa maigae, huteno lekana paino apateʼniye. Aganaʼamogimo asole vayaʼmo maisageno hogote yege mafaʼneʼamoʼmo nepuʼapimoʼmo maisiyafekeʼmo lekana paino apateʼniye.

Kolosi 1:15

Kalaisiʼa noʼagaya Goti auneʼamo maiʼniye. Yege Mafaʼneʼamo maiʼnenoʼaeʼmo muki alo huʼniya yaʼe vayaʼeʼmo aeno apakaseno maiʼniye.

Kolosi 1:18

Siosi vayaʼmo Kalaisi agufaʼagana huʼa maiʼnagenoʼaeʼmo apakenopaʼagana huno maiʼneno yagaino neʼapate. Agaemo aepa faiʼniya vekamo maiʼniyanageno alagi hogote vekamo maisiyafeʼmo kanolufatiʼmo hogoteno he tiʼniye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.

Leveleseni 21:24

Taonimoʼa aeno ha nelegeʼapaeʼmo alu kotega alu kotegamo maiʼnaya vayaʼmogimo aeno ha neleya yateʼmo umenitata hugae. Ma mopafi vayaʼaiteʼmo yagaiʼa neʼapataya kini vayaʼmogimo taonifiʼmo konali yaʼapimo aliniʼa egae.