Samu 89:15 - The Keyagana NT and 25 OT books

¹⁵ Afiteʼapaeʼmo apamogaga neʼaiya gemo afiʼa aeto huʼnaya vayaʼmo Goti aulagaleʼmo alagepa huʼa maiʼnayanageʼa afaʼa apamogaga aigae. Kaugosafatiʼmo aeno ha neleya yategamo umenitata hugae.

Samu 89:15 ပူးပေါင်းရင်းမြစ်များ

Samu 100:1

Ma mopafi muki haopalega maiʼnaya vayaʼmogitapamo lapamogaga aitetapa Ala kava nefekeʼmo alopa gefatiʼmo hiyo.

Samu 4:6

Mukiʼamogi huʼapaeʼmo, alagepa huta maigesune, huʼa nehae. O Ala kava nene, huʼna, kigi nehuka lagaetegamo alagepa kavaʼmo huvo.

Samu 97:2

Hiyaʼmoʼe haniʼmoʼeʼmo faino vego huno neʼate. Agaemo alagepa huno alino fako huteno fatago kavaʼaletiʼmo yagaino neʼapate.

Mai'naya kavane 16:15

Kini vekamo alagepa augosamo kaliʼneno apakesiyaʼmoʼmo afaʼa maigae. Amuse huno neʼapateya kavaʼmoʼa mago avina yaʼmo nehakalaya afinaʼmo hiyaʼmoʼa koʼmo avalelino neʼeya kavakana huno haneʼniye.

Aiyeya 2:5

Yekopu aginago vayaʼmogitapae, huʼna, Egetao Ala kava neʼmoʼa aeno ha neleya kavategamo umenitata hugune.

Neyomi 1:15

O Yuta vayaʼmogitapae, huʼna, Ageyo, mago vekamoʼmo avefiʼmo haneʼniya kotega kateʼmo alagepa faigoko gemo alininenoʼaeʼmo, kame osugayanagi maitapa haga leyo, huno aeno hakalo huno lapa nepaiye. Gotiʼa mono hisayafeʼmo hu maleʼniya hopa afinaʼmo mono hiyo. Lapakaemo Gotifeʼmo ago polomasi gemo hu maleʼnaya kavaʼmo hiyo. Hosu vekamo halate lapakaetegamo oʼmegaiye. Gotiʼa ago alino hosu huno ataleʼniye.

Napa 23:21

Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.

Napa 6:26

Ala kava neʼmoʼa alino maku huno lapaketeno lapaminagetapa lapaipamoʼmo falu hiyo.

Apa 2:28

Kagaemo maige maige huʼna maisuva kaʼmo ago alika nave liʼnane. Kaulagaleʼmo naipafiʼmo namogaga neʼaiya kavaʼnimo alika maleka havaiteka nategane, huno avoʼmo kae maleʼniye.

Lomu 10:15

Mago vekamoʼmo alino apatesigeʼa oʼvisayana haiya kava huʼa uʼa aeʼa hakalo huʼa hapa paigae. Ani kavatefeʼmo avoʼmo kae maleʼniya gemoʼa hunoʼaeʼmo, alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼmogi apaiyamo kanale apaiyamo haneʼnigeʼa aliniʼa neʼae. Apakaemo alagepa kavafeʼmo ava gemo afiteʼa apamogaga aisayafeʼmo ani gemo aliniʼa neʼae.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.