Samu 85:3 - The Keyagana NT and 25 OT books

³ Hogoteka kaipamo leka apateʼnanaʼmonanafa henagaʼamo kaipamo falu huka apateʼnane. Lusi kava huno kaipamo leʼniyana afaʼa ataleʼnane.

Samu 85:3 ပူးပေါင်းရင်းမြစ်များ

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Samu 78:38

Ani kavaʼmo huʼnayaʼmonanafa hau ayamopafiʼmo hauʼniya vekamo maiʼniyaʼmofeʼmo muki vayaʼamo kamitimo oʼapamagiʼnifa hosu kavaʼapigeʼmo alino ataleʼniye. Muki afinaʼmo aipamo leno apatege apatege huno maiʼniyaʼmonanafa aipamo leno apateʼniya kavaʼamo ataleʼniye.

Hatu maeno apate'niya gemae 32:22

Eloniʼa hunoʼaeʼmo, Ala neʼnimogae, huʼna, kaipamo leka oʼnato. Kagaemo mani vayaʼmogi hosu kavaʼmo hisayafeʼmo hapauʼniya vayaʼmo maiʼnageka ago apakeʼnane.

Aiyeya 12:1

Ani afinaʼmo Goti vayaʼamogi huʼapaeʼmo, O Ala kava nene, huʼa, kaipamo leka lateʼnanaʼmonanafa kaipamo leka nateʼnana kavakamo hano huʼnigekaeʼmo naipamo alika falu huʼnane.

Aiyeya 40:1

Gotitapimoʼmo hunoʼaeʼmo, Apaipamo alita falu hiyo. He, vayaʼnimogi apaipamo alita falu hiyo.

Aiyeya 40:2

Lapakaemo Yulusalemu vayaʼmogi apaipamoʼmo falu hisiya gemo hapa paiyo. Ina gemo hutapa hapa paitapaeʼmo, Atafa kavatefeʼmo kana yaʼmo aliʼnaya afinatapimo ago hano huʼniye. Ala kava neʼmoʼa muki hosu kavaʼmo anonatapilefeʼmo alopa kayoʼmo lapamiteno hosu kavatapimo alino ataleʼniye, hutapa hapa paiyo.

Yona 3:9

Gotiʼa ani kavaʼmo huguve, huno huʼniya geʼe aipamo leno lateʼniya kavaʼeʼmo atalesifi oʼatalesifigeta ofalisunafeʼmo amalageka huta agegaune, huno hapa paiʼniye.

Maika 7:19

Halate alu agesamo afiteno lagaefeʼmo hau ayamopafi hausigeno hosu kavatiʼeʼmo kame huno aeno aga seteno hosu kavatileʼmo yagaino ategaiye. Kagaemo muki hosu kavatimo alika yaga auka atalesanageno solovala aniʼmo afepilagamo lusi vasilonafiʼmo uno lamigiye.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.