Samu 85:2 - The Keyagana NT and 25 OT books

² Kagaemo vayakamogi hosu kavaʼapimo alika ataletekaeʼmo, afaʼa ateyo, huka huʼnane. Muki hosu kavaʼapimo aeka ati kaeka ataleʼnane.

Samu 85:2 ပူးပေါင်းရင်းမြစ်များ

Esala 1:2

Sailasiʼa Pesiya kotega kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaleʼmo yagaisuvafeʼmo namitenoʼaeʼmo, Kagaemo Yuta polovenisi Yulusalemu taonifiʼmo mono noʼnimo kika nato, huno naha paiʼniye.

Samu 126:1

Ala kava neʼmoʼa hatu maeno lateteno Saiyoni kotegamo lavalelino eʼnigetaeʼmo alagamuna agegekana huta maiʼnone.

Samu 32:1

Gotiʼa keʼaepa geʼamo amagiʼa ataleʼnaya kavaʼapimo alino atalege hosu kavaʼapimo aeno ati kaeno atalege huʼnisiya vayaʼmogimo aulena vayaʼmo maiʼnae.

Samu 78:38

Ani kavaʼmo huʼnayaʼmonanafa hau ayamopafiʼmo hauʼniya vekamo maiʼniyaʼmofeʼmo muki vayaʼamo kamitimo oʼapamagiʼnifa hosu kavaʼapigeʼmo alino ataleʼniye. Muki afinaʼmo aipamo leno apatege apatege huno maiʼniyaʼmonanafa aipamo leno apateʼniya kavaʼamo ataleʼniye.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Napa 14:19

Nunumuʼmo huʼnaeʼmo, Lusi kava huka kahau huka neʼapatana kavakalefeʼmo hosu kavaʼapimo alika atalo. Kagaemo Isipi koʼmo ataleʼnaya afinaʼmo hosu kavaʼapimo alika ataleteka alika ataleme ataleme eka hemeniʼeʼmo alika neʼatalana agufa kavaʼmo huka alika atalo, huʼna nehuve.

Kolosi 2:13

Hosu lapakufamo olagautapa hosu kavapiʼmo maiʼnetapaeʼmo faliʼnaya vayakana huta maiʼnagenoʼaeʼmo Kalaisiʼeʼmo alino he tino lapateʼniye. Gotiʼa muki hosu kavatimo alino ataletenoʼaeʼmo