Samu 84:11 - The Keyagana NT and 25 OT books

¹¹ Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Samu 84:11 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Samu 119:114

Nagaemo kagaepiʼmo fala kiʼna maiʼnogeka kagaemo haleguʼnimo maiʼnane. Gekamo alagi afole aigiye, huʼna huteʼna navayagunagu huʼna maiʼnove.

Samu 15:2

Vaiʼmo oʼaliʼa he tiʼa umenitata huge fatago kavaʼmo huge apaipafatiʼmo lama gemo huge

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Samu 3:3

Nehayaʼmonanafa Ala kava nene, huʼna, kagaemo haleguʼnimo maiʼnane. Kagaekeʼmo naha maeʼnanageʼna aeʼna neʼapakasove. Kagaekeʼmo alika he tika neʼnatana vekamo maiʼnane.

Samu 47:9

Muki vayaʼmogi kini vayaʼapimo eʼa aliʼa anupa huʼnae. Emalehamu Gotiʼamo vayaʼamo eʼa aliʼa anupa huʼa maiʼnae. Gotiʼmo muki ami vayaʼmo aeno apaka seʼniyaʼmofeʼmo alagi hogote kini vekamo maiʼniye.

Samu 84:9

O Gotiyo, huʼna, halegutimogae, huʼna, ago. Lekana paika ateʼnana vekamo augosafiʼmo ago.

Samu 85:12

He, Ala kava neʼmoʼa alagepa yaʼmo lamisigeno lagae mopafatiʼmo neʼyaʼmo hagegaiye.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Mai'naya kavane 2:7

Agaemo fatago vayaʼmogimo alagepa huʼa afiteʼa neʼagaya kavaʼmo alino anupa nehiye. Agaemo haleguʼapigana huno maiʼneno aeno hau vaino neʼapate.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Mai'naya kavane 28:6

Kagemi yaʼamo ohaneʼniya vekamoʼmo lama ge kavaʼmo nehisiyaʼmoʼmo kagemi yaʼamo haneʼniya vekamoʼmo kayagi kayaga kavaʼmo nehisiya vekamo ago aeno aga seʼniye.

Maika 2:7

Yekopu nofi vayaʼmogitapae, huno, Lapakaemo, Ala kava neʼmo Aunemeʼamo atafautapa ateʼnayanageno aliʼyaʼamo afaʼa oʼalisifiye. Aunemeʼamoʼmo lapakaemo ani nehaya kavafeʼmo amuse nehifiye. Gotiʼa hunoʼaeʼmo, Geʼnimoʼa fatago kavaʼmo nehaya vayaʼmo alagepa huno hapa noʼmaefiye.

Malakai 4:2

Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Yoni 1:16

Muki alagepa yaʼamo fiku laha maeno lamisiya yaʼamo agae aipafiʼmo havai teʼniya yaʼmo ani kava huno fiku laha maeno lamiteno halate magoʼe huno laha maeno lamiʼnigeta ago aliʼnone.

Yoni 1:9

Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

Galesiya 2:14

Nagaemo ageʼnovana lama ge mono kavaʼmo alagepa faigoko gemo akame huʼa alagepa kateʼmo oʼuʼnageʼna apaketeʼnaeʼmo muki vayaʼai apaulagaleʼmo Pitafeʼmo huʼnaeʼmo, Kagaemo Yu nofi vekamo maiʼnanaʼmonanafa Yu nofi vayaʼai kavaʼmo osuka malaga nofi vayaʼai kavaʼmo nehane. Na kava higekaeʼmo malaga nofi vayaʼmogimo Yu nofi vayaʼmogi nehaya agufa kavaʼmo hisayafeʼmo alika he tika apatesanafeʼmo nehane, huʼna ge hauʼnove.

Filipai 1:6

Gotiʼa lapaipafiʼmo aepa faino aliʼyaʼmo alime alime neʼesigeno Kalaisi Yesuʼa eminesiya afinaʼmo aliʼyaʼamo alino hano hugiye, huʼna lole nagesamo oʼafiʼna lokiya vaiʼna alagi nagesamo afiʼna neʼmauve.

Filipai 4:19

Gotiʼnimoʼa Kalaisi Yesutetiʼmo asole yaʼmo maleʼniya yapatiʼmo lapakaemo muki kafu huʼnisaya yaʼmo fikumo lapamigiye.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.