Samu 81:5 - The Keyagana NT and 25 OT books

⁵ Gotiʼa Isipi kotegamo umenitata hunoʼaeʼmo hopa afina keʼaepa gemo aeʼa hakalo huʼa hapa paisayafeʼmo Isaleli vayaʼaitegamo hu maleʼniye. Lagaemo ani kotegamo mago apakemo afiʼnonana oʼafiʼnone.

Samu 81:5 ပူးပေါင်းရင်းမြစ်များ

Samu 114:1

Akeyaʼvilagamo Isaleli vayaʼmo Isipi kotegatiʼmo ataleʼa uʼnaya afinaʼmo uʼa muki aliʼnaya mopamo Gotiʼmo aote mopaʼamo alino hamaleno ateʼniye. Apakaemo alu apakemo neʼaiya vayaʼaitegatiʼmo ataleʼa uʼnageno Gotiʼa Isaleli vayaʼaiteʼmo yagaino apateʼniye.

Samu 77:15

Kagaika lokiyakaletiʼmo vayakamogi apakufamo alika katika apateʼnane. Kagaemo Yekopu aginagoʼe Yosefe aginagoʼeʼmo kalavusifatiʼmo hatu maeka apateʼnane.

Hatu maeno apate'niya gemae 11:4

Inagi Moseseʼa Felofeʼmo, Ala kava neʼmoʼa ina ge huno huʼniye, Nagaemo haniʼilaga folaguʼmo muki Isipi haopalegamo uʼneʼna huguve.

Hatu maeno apate'niya gemae 12:12

Ani haniʼilagamo nagaemo muki Isipi kotegamo uʼneʼna huʼna muki yege mafaʼneʼapigi alu afu alu afuʼapimogi yege afuʼapigi huʼna kamitimo apamagisugeʼa faligae. Nagaemo Isipi vayaʼmogi gotiʼapimogitefeʼmo agoti huʼna apateteʼna kamitimo apamagiguve. Nagaemo Ala kava neʼmo maiʼnove.

Hatu maeno apate'niya gemae 12:27

ina ge hutapa hapa paigae. Ani ofalinimo Pasova sipisipi ofalinimo Ala kava netimo ofalinimo haneʼniye. Agaemo Isipi kotegamo maiʼnona afinaʼmo emineno lagegeno lateno uno Isipi vayaʼmo kamitimo apamagiʼniyaʼmonanafa afamo anagatimo apakufamo alino katino apateʼniya kavatefeʼmo neʼnone, hutapa hapa paigae, huno hapa paiʼnigeʼapaeʼmo Isaleli vayaʼmo ape huteʼa mono huʼnae.

Hatu maeno apate'niya gemae 12:29

Haniʼilaga folaguʼmo Ala kava neʼmoʼa muki Isipi vayaʼai yege mafaʼneʼapimo kamitimo apamagiʼnigeʼa faliʼnae. Agaemo kini vekamo yege mafaʼneʼamo hogoteno kamitimo amagiteno muki Isipi vayaʼmogi yege mafaʼnemo apamagilino uno kalavusi vayaʼmogi yege mafaʼneʼapiʼeʼmo apamagiʼniye. Agaemo muki yuna afu anagaʼmogi yege apanaʼaumo apamagige huʼniye.