Samu 81:10 - The Keyagana NT and 25 OT books

¹⁰ Nagaemo Ala kava neʼmo gotitapimoʼnamo lapakaemo Isipi kotegatiʼmo lapavaleliʼna eʼnove. Lapakaemo lapavayamo lusi kava hutapa aka huʼnigeʼnao muki yaʼmo nagaemo lapamino.

Samu 81:10 ပူးပေါင်းရင်းမြစ်များ

Samu 107:9

Agaemo hapauʼnigeʼa hapaʼye nehiya vayaʼmo alino falu huno apatege apaka neteya vayaʼmo alagepa yaʼmo apamige nehiyaʼmofeʼmae.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Hatu maeno apate'niya gemae 20:3

Alu gotigitefeʼmo mono osutapa nagaetefeʼmo mono hiyo.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 16:23

Ani afinaʼmo afole aisigetapaeʼmo mago kavafeʼmo loka huta nafi okegae. Alagi lama gemo lapa nepauve, huʼna, lapakaemo Afoʼnimofeʼmo nagiʼniletiʼmo muki yafeʼmo afi gesagenoʼaeʼmo afaʼa lapamigiye.

Yoni 7:37

Hopa afinaʼmo hano hugefeʼmo huʼniya afinaʼmo henagaʼamo alopa afinaʼmo afole aiʼnigenoʼaeʼmo Yesuʼa he tino alopa gefatiʼmo hapa painoʼaeʼmo, mago vekamoʼa anifeʼmo hauʼnisiyana eno nagaetegatiʼmo aniʼmo neno.

Yasuva 24:14

Inagi Ala kava nefeʼmo koli hutetapa aigofe kavaʼmo osutapa lapaipafatiʼmo alagi lama ge kavaʼmo hutapa aliʼyaʼamo aliyo. Lapakinago vayaʼmogimo Yufaletisi aniʼmo mugagayaga faliga maiʼnayategaʼe Isipi kotegaʼeʼmo aigofe gotigitefeʼmo aliʼyaʼapimo aliʼnae. Lapakaemo ani aigofe gotigimo alita ataletetapa Ala kava nekeʼmo akame hutapa aliʼyaʼamo aliyo.

Yasuva 24:23

Inagi Yasuvaʼa ina gemo hunoʼaeʼmo, Huʼnayaʼmofeʼmo alu nofi vayaʼmogi aigofe gotiʼapimogi apauneʼamo lapakae folagapatiʼmo alita ataleyo. Ataletetapa lapaipamo alita afe letetapa Ala kava neʼmo Isaleli vayaʼmogita Gotitimoʼmo akame hiyo, huno huʼnigeʼapaeʼmo

Leveleseni 21:6

Naha paiteno magoʼe gemo hunoʼaeʼmo, Aliʼyaʼnimo aliʼna hano huʼnove. Nagaemo aepa fai maleʼnovanageʼna aliʼna hano huʼna atalesuva vekamo maiʼnove. Hogoteʼna maiʼnovanageʼna hemeniʼeʼmo neʼmauvanageʼna henagaʼaʼeʼmo alagi maiguve. Anifeʼmo hapauʼnisiya vayaʼmogimo miya ofaigayanageʼa meti aniʼmoʼa afaʼa maisaya yaʼmo neʼapamiya aniʼmo afaʼa fikumo hefiʼna apamiguve.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.