Samu 8:2 - The Keyagana NT and 25 OT books

² Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

Samu 8:2 ပူးပေါင်းရင်းမြစ်များ

Samu 4:4

Lapaipamo lesiya afinaʼmo hosu kavaʼmo osiyo. Hipaleʼmo havae netapaeʼmo lapaipafiʼmo lapakesa afifi hutetapa ge osiyo.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 57:6

Natafausayafeʼmo aneʼaimo hanagi maleʼnae. Lusi kana yaʼmo aliʼnove. Apakaemo nagaemo cvisuva kateʼmo kafi maleʼnaya kelifiʼmo apakaiʼapimo asagauʼa aiʼnae.

Hatu maeno apate'niya gemae 11:7

Faligayaʼmonanafa Isaleli vayaʼaitegatiʼmo kalamoʼmo hau hau osugiye. Ala kava neʼmoʼa Isipi vayaʼe Isaleli vayaʼeʼmo alino fako huno apateteno alu kava alu kavaʼmo huʼniye, huka agesanafeʼmo muki Isaleli vayanagi muki alu afu alu afuʼapiʼenagi huʼa hanageke yaʼmo oʼaligae.

Hatu maeno apate'niya gemae 15:16

O Ala kava nene, huʼna, Himamu lokiyakalefeʼmo kolikamo huge apamoʼya aige hugae. Vayakamo koʼapileʼmo neʼvisageʼapaeʼmo apakaetegamo mago kavaʼmo afaʼa osuʼa he tiʼa maiʼnisageʼa afaʼa ugae. Miya faika hatu maeka apateʼnana vayakamogimo aliʼa apatalete apatalete huliʼa ugae.

Aiyeya 40:31

Ala kava neʼmoʼa hapa maesiyafeʼmo apakava neʼmaiya vayaʼmo saufamo lokiya vaiʼa maigae. Apakaemo hakiki namagana huʼa haleliʼuʼa haigae. Nagu nagu huʼa visagenoʼaeʼmo alagaʼmo ohapaegaiye. Umenitata nehisagenoʼaeʼmo apaunena oʼaigiye.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Hamakaki 2:20

Afaʼa maisaya yaʼapimo alagi ohaneʼniyaʼmonanafa Ala kava neʼmo aote mono noʼafiʼmo maiʼniye. Muki ma mopafi vayaʼmogitapamo etapa aulagaleʼmo ge osuta afaʼa maiyo.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Matiyu 21:16

Apakaemo Yesufeʼmo, mafaʼne anagaʼmogi nehaya gemo afiʼnapiye, huʼa afi geʼnagenoʼaeʼmo, he afiʼnove. Goti gemoʼa hunoʼaeʼmo, aise mafaʼne anagaʼe nute mafaʼnemogiʼeʼmo kagikaleʼmo aliʼa asaga hisayafeʼmo alika apaya maleʼnane, huno huʼniya gemo lekana opaiʼnafiye, huno apafi geʼniye.

Luki 10:21

Ani afinaʼmo Yesuʼa Aote Aunemeʼaletiʼmo aipafiʼmo amogaga neʼainoʼaeʼmo, Afo, huno, kokuʼnateʼe ma mopaleʼeʼmo yagaika anateʼnana vekamae. Kagaemo afiteʼa ageʼnaya vayaʼmogimo oʼafisayafeʼmo mani kavaʼmo alika fala ki maleʼnanaʼmonanafa mafaʼnegana huʼa neʼmaiya vayaʼmo alika apave liʼnana kavatefeʼmo kahao ke nehove. He, Afo, huno, kahauʼnigekaeʼmo, afole aiyo, huka huʼnane, huno nunumuʼmo huʼniye.

1 Kolitiyani 1:27

Gotiʼa afiteʼa ageʼnaya vayaʼmo apavagage yaʼmo alino apamisiyafeʼmo ma mopafi vayapatiʼmo oʼafiʼnaya vayaʼmo lekana paino apateʼniye. Gotiʼa lusi kava huʼa apayamufa neʼvalaya vayaʼmo apavagage hisiya yaʼmo alino apamisiyafeʼmo apayamufa noʼvalaya vayaʼmo lekana paino apateʼniye.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.