Samu 8:1 - The Keyagana NT and 25 OT books

¹ Ala kava neʼmo Ala kava netimogae, huʼna, ma mopafi muki haopalegatiʼmo ala kagikamo aliʼnane. Ha le konali yakamoʼmo kokuʼnate haneʼniya yaʼe vayaʼeʼmo ago aeno apakaseʼniye.

Samu 8:1 ပူးပေါင်းရင်းမြစ်များ

Samu 145:1

Gotiʼnimogamo kini vekaʼnimogae, huʼna, kagaefekeʼmo ala vekamo maiʼnane, huʼna huguve. Muki afinaʼmo kagikaleʼmo aliʼna auleʼna kategauve.

Samu 36:5

Ala kava nene, huʼna, olataleka lagaefeʼmo kahau huka nelatana kavakamoʼmo lusi yatala yaʼmo kokuʼnapiʼmo uno nehaiya agufa yatala yakana huno haneʼniye. Ani kavaʼmo huguve, huka nehana gekamo alagi amagika oʼataleka akame huka nehana kavakamoʼmo ina kava huno hiyateʼmo uno nehaiya agufa yakana huno haneʼniye.

Samu 57:5

O Gotiyo, huʼna, vayaʼmogimo kagikaleʼmo aliʼa asaga hisageno alagi anagagemo uno haino. Ma mopafi muki haopalegamo ha le konali yakamoʼa aino atagu faino.

Samu 63:1

O Gotiyo, huʼna, Gotiʼnimogamo maiʼnane. Kagesuvafeʼmo kotilamisiyapiʼmo kahauya huguve. Nauneʼnameʼmoʼa kagaefeʼmo nehaiye. Aniʼmo ohaneʼniya koteʼmo maiʼneʼnaeʼmo vayaʼmogimo anifeʼmo nehapaiya kava huno kagaefeʼmo neʼnahaiye.

Samu 68:4

Gotifeʼmo yokemo hutapa agiʼaleʼmo alitapa asaga hiyo. Hiyapiʼmo neʼviya Gotiʼmo visiya kaʼmo valitapa ateyo. Agaemo agiʼamo Ala kava nene. Aulagaleʼmo lapamogaga aiyo.

Samu 8:9

Ala kava neʼmo Ala kava netimogae, huʼna, ma mopafi muki haopalegatiʼmo ala kagikamo aliʼnane.

Samu 81:1

Lapakaemo alopa gefatiʼmo alino lokiya vaino nelateya Gotitimofeʼmo yokemo hiyo. Lapamogaga aitapa Yekopu Gotiʼamofeʼmo alopa gefatiʼmo hiyo.

Samu 84:1

Ala kava nene, huʼna, muki vayaʼaiteʼmo yagaika neʼapatana vekamae. Nagaemo maiʼnanatega haneʼniya mono nokaeʼmo lusi kava huno neʼnahaiye.

Hatu maeno apate'niya gemae 15:11

O Ala kava nene, huʼna, alu gotigipatiʼmo ina laʼmo kagaekana huno maiʼniye. Kagaemo kaoteʼmo maiʼnana alagepa kaote kavakalefeʼmo ha le konali vekamo maiʼnane. Kageteʼapaeʼmo hapau aiʼnaya kavakalefeʼmo koli huʼnae. Oʼageʼnaya agufa kaune kavaʼmo nehane. Ani agufa kavaʼmo nehana Gotigamo maiʼnanaʼmofeʼmo ina lagimo kagaekana huʼa maiʼnae.

Salomoni Yokemae 5:16

Avayafatiʼmo haga huʼniye. He, muki agufaʼamo alagepa agufamo haneʼniye. Yulusalemu aʼmafaʼne anagaʼmogitapae, huʼna, Agaemo nahau nayamopafiʼmo neʼnahaiya vekaʼnimo maige nao vekaʼnimo maige huʼniye, huʼna lapa paiʼnove, huno hapa paiʼniye.

Aiyeya 26:13

O Ala kava neʼmo Gotitimogae, huʼna, kagaeʼe alu vayaʼmo yagaiʼnaya vayaʼmogiʼeʼmo yagaiʼa lateʼnayaʼmonanafa kagaikageʼmo ala kagikamo nekamune.

Hamakaki 3:3

Gotiʼa Temani taonifatiʼmo eʼniye. Aote vekamo Palani avefatiʼmo eʼniye. He, lama ge. Ha le konali yaʼamoʼmo muki kokuʼnategamo aeno ha leʼniye. Ani kava huno ala agiʼamoʼmo ma mopafi muki haopalegamo aino atagu faeʼnigeʼa afiʼnae.

Matiyu 22:45

Neviniʼa Kalaisi vekaeʼmo kava neʼnie, huno huʼniyaʼmofeʼmo haiya kava huno ma mopafi aginago vekaʼamo maiʼniye, huno apafi geʼnigeʼa

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Efasasi 4:10

Eno emineteno uno lamiʼniya vekamoʼmo agaiʼamo muki vayaʼmo lusi kava huno fikumo hapa maeno apamisiyafeʼmo kokuʼnapiʼmo aeno agaseno uno haiʼniye.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Himulu 7:26

Inagi Yesuʼa ani hogote vekamo mono huno nelateya vekamo maiʼniyaʼmofeʼmo afaʼa laha maegaiye. Agaemo Gotitegamo alagepa kavaʼmo huge vayaʼaitegamo hosu kavaʼmo osuge hosu kavaʼamo ohanege huʼnigeno ma mopafi vayakana huno oʼmaiʼnifa aote vekamo maiʼniye. Gotiʼa kokuʼnapiʼmo alino asaga huno ateʼnigeno kokuʼnapi neʼmaiya vayaʼmo ago aeno apakaseno maiʼniye.

Leveleseni 19:6

Hutegeʼnaeʼmo afiʼnovana asole vayaʼmogimo apake aiʼnaya apakemoʼmo alopa ani haʼyamoʼmo hakalu hakalu huno age aigekana huʼa apakemo aiʼnageʼna afiʼnove. Apakaemo, Haleluya, huʼa, Ala kava netimo Gotiʼa muki lokiyaʼaʼe vekamoʼmo yagaino neʼapate.