Samu 79:10 - The Keyagana NT and 25 OT books

¹⁰ Na kava higeʼapaeʼmo alu nofi vayaʼe alu nofi vayaʼeʼmo huʼapaeʼmo, Gotiʼapimoʼmo haiyategamo maiʼniye, huʼa hugae. Apakaemo aliʼyakamo aliʼnaya vayaʼai kolaʼapimo anonaʼalefeʼmo kayoʼmo apamigetao agegaunanagi.

Samu 79:10 ပူးပေါင်းရင်းမြစ်များ

Samu 115:2

Na kava higeʼapaeʼmo alu nofi vaya alu nofi vayaʼmogi huʼapaeʼmo, Gotiʼapimoʼmo haiyaʼaleʼmo maiʼniye, huʼa hugae.

Samu 42:10

Geʼapiletiʼmo keveletiʼmo neʼnahaya kava huʼa Gotikamoʼmo haiyateʼmo maiʼniye, huʼa huteʼa huʼa faipa huʼa neʼnatae.

Samu 42:11

Nagaemo na kava higeʼnaeʼmo naipamoʼmo kana nehiye. Na kava higeʼnaeʼmo nagesa alaʼamo neʼafuve. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Samu 42:3

Apakaemo huʼa faipa huʼa nateteʼapaeʼmo Gotikamoʼmo haiyate maiʼniye, huʼa hute hute huʼnageʼnaeʼmo felugaʼe haniʼilagaʼeʼmo neʼyaʼmo oʼneʼna aviʼyaʼmo huge huge huʼna neʼmauve.

Samu 42:4

Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Samu 9:16

Ala kava neʼmoʼa anonaʼapilefeʼmo apamiʼniya kavatetiʼmo alagepa kavaʼamo alino apave liʼniye. Hosu vayaʼmogi hosu kavaʼapilefeʼmo apakaiʼapigeʼmo hapaeʼnae.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Hatu maeno apate'niya gemae 7:5

Nagaemo Isipi vayaʼaina alopa kayoʼmo apamiteʼnaeʼmo apakae folagapatiʼmo Isaleli vayaʼmo apavaleliʼna visugeʼapaeʼmo Isipi vayaʼmogimo nagaefeʼmo Ala kava neʼmo maiʼniye, huʼa nagegae, huno ha paiʼniye.

Aiyeya 64:1

O Ala kava nene, huta, lagaemo lahauʼniyanagi kagaemo kokuʼnaʼmo alika halo aiteka eka emikegeʼapao kaulagaleʼmo avemogimo atete hisayafeʼmae.

Maika 7:10

Agesugeno kame vayatieʼmo hunoʼaeʼmo, Ala kava neʼmo Gotikamoʼmo haiyaʼaleʼmo maiʼniye, huno huʼniya a kanomoʼmo agesiyana Ala kava neʼmoʼa alagepa huno naha maesigeno agetenoʼaeʼmo lusi kava huno avagage hugiye. Vayaʼmogi kateʼmo uʼeʼa huʼapaeʼmo hapafiʼmo aeʼa nekasaliya kava huʼa hemenimo vayaʼmogi ani a kanomo kame vayatimogi aeʼa lata paisageʼna agegauve.

Lomu 12:19

Nahau nayamopafiʼmo nahauʼniya vayaʼnimogitapae, huʼna, hosu kavaʼmo anonaʼapilefeʼmo hosu kavaʼmo aetapa atagaina huta osutapa Gotiʼa apamisiyafeʼmo maitapa halove huta ategenoʼao. Ani kavatefeʼmo Goti geʼamoʼmo hunoʼaeʼmo, Ala kava neʼmoʼa, Hosu kavaʼmo anonaʼapileʼmo apamisuva aliʼyaʼnimo nagaiʼni aliʼyaʼmo haneʼniye. Anonaʼapileʼmo aeʼna atagaina huʼna apamiguve, huno hu maleʼniye, huno huʼniye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.