7 Afiteʼapaeʼmo Gotifeʼmo apakesamo afiʼa fatago huteʼa Gotiʼa huʼniya kavafeʼmo apake okanisigeʼa keʼaepa geʼamo akame hugae.
Nagupi mafaʼneo, huʼna, alagepa huno naha maeʼniya kavafeʼmo kage okanika alika auleka ato.
Geʼamo afiteʼa keʼaepa geʼamo akame hisayafeʼmo ani kavaʼmo huʼniye. Ala kava neʼmo agiʼaleʼmo alita asaga huta ateyo.
Emalehamuʼa Ala kava neʼmo aliʼyaʼamo neʼaliya vekamo aginago vayaʼamogitapaʼe Yekopuʼa lekana paino ateʼniya vekamo aginago vayaʼamogitapaʼene, huʼna, lokiya kavaʼaʼe aune kavaʼaʼefeʼmo lapakesamo afiyo. Alino fako huno apateteno ani kavaʼmo hiyo, huno huʼniya geʼaeʼmo lapakesamo afiyo.
Mago vekamoʼmo hunoʼaeʼmo, Yekopu Gotiʼamoʼmo naha maegaiye, huno agesamo neʼafiya vekamoʼmo amogaga neʼaiya vekamae. Agaemo Ala kava neʼmo Gotiʼamofeʼmo alino amufa amiʼniyaʼmofeʼmo amogaga neʼaiye.
Ala kava nefekeʼmo aliʼa amufa neʼamiya vayaʼmo aulena vayaʼmo maiʼnae. Apakaemo himuʼnamu kavaʼmo nehaya vayaʼmofi aigofe gotiʼapimogitefeʼmo mono nehaya vayaʼmofi huno ala apakiʼapimo noʼapamiye.
Nagaemo Gotiʼa naha maegaiye, huʼna nagesamo afiʼna fatago nehuvaʼmofeʼmo nagupi mafaʼneyo, huʼna, ge osuka Gotifekeʼmo agava maiyo.
Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.
Aliʼneno Gotifeʼmo hao ke heteno akaya heno aliʼnenoʼaeʼmo, manimona nagufaʼnimo haneʼniye. Lapakaetefeʼmo aiʼa atalagaugae. Hemenimo nagaefeʼmo lapakesamo afitapa ho hisayafeʼmo mani kavaʼmo hutapa nete nete hutapa maiyo, huno hapa paiʼniye.
Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.
Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.
Huno huʼniyaʼmofeʼmo apaote vayaʼmogi Goti keʼaepa geʼamo akame huteʼa Yesuʼmo oʼataleʼa agaefeʼmo apakesamo afiʼa fatago nehaya vayaʼmogimo oʼataleʼa lokiya vaiʼa maiyo.