Samu 78:65 - The Keyagana NT and 25 OT books

⁶⁵ Ani kavaʼmo huʼa maiʼnagenoʼaeʼmo apaupatiʼmo he netiya kava huno Ala kava neʼmo he tiʼniye. Lokiya vekamoʼmo nofi alagafati aniʼmo netenoʼaeʼmo alopa gefatiʼmo ge nehiya kava huno Ala kava neʼmo malage huno he tiʼniye.

Samu 78:65 ပူးပေါင်းရင်းမြစ်များ

Samu 7:6

O Ala kava nene, huʼna, kaipamo leʼninageka he tiyo. Kame vayaʼnimogi apaipa leʼnigeʼa namagisayafeʼmo apayamukiki nehayanagi he tika naha mao. Fatago kavafeʼmo kahauʼniyanagi alika fako huka apato.

Samu 73:20

Haniʼilagamo alagamuna ageteʼapaeʼmo apaupatiʼmo he netigenoʼaeʼmo ani alagamunamo ago apake kaniya kava huʼa malage huʼa hano hugae. Ala kava nene, huʼna, ani kavaʼmo huka kaupatiʼmo he tika apauneʼageʼmo apaketekaeʼmo alagi okahaugiye.

Aiyeya 51:9

Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.