Samu 78:49 - The Keyagana NT and 25 OT books

⁴⁹ Gotiʼa aipamo leno apatege hai vaino apatege huteno hanageke yaʼmo apamiʼnigeno apakafu kiʼniye. Ani kava huʼa enisole vayaʼmogimo apamagiʼnageʼa faliʼnae.

Samu 78:49 ပူးပေါင်းရင်းမြစ်များ

2 Samiyo 24:16

Mago enisole vekamo Yulusalemu taonifiʼmo eno avaʼyi huteno taonifiʼmo maiʼnaya vayaʼmo kamitimo apamagisiyafeʼmo alo huno maiʼnigenoʼaeʼmo Ala kava neʼmoʼa apamagisiya kavafeʼmo ohauʼnigeno hau huno apateteno alu aipa agesamo afiteno apamagisiyafeʼmo huʼniya enisole vekaeʼmo ina ge huno ha paiʼniye. Alaginagi afaʼa ato, huno ha paiʼniye. Ani afinaʼmo enisole vekamo mago vitimo haitaʼamo aliʼa neʼatalaya yateʼmo haopaleʼmo he tino maiʼniye.

Samu 11:6

Agaemo apakaetegamo ko aigekana huno aneʼai nofikana yaʼmo yaga augiye. Atagi ata neleya yafanagi amuko yasimogi huno hetamaʼapimo haneʼniye.

Hatu maeno apate'niya gemae 12:13

Ani kolatetiʼmo notapimo kipa yosaleʼmo falesageno lapakae alagena yaʼmo hanegaiye. Nagaemo Isipi vayaʼmo apamagisuva afinaʼmo kolaʼmo ageteʼnaeʼmo lapakaseʼna visugeno ani kaitaʼmo olahapaugiye.

Hatu maeno apate'niya gemae 15:7

Kagaemo alagi aeka apaka seka hogote vekamo maiʼnana himamukaletiʼmo kame vayakamo alika afepiʼmo apateʼnane. Kagaemo kaipamo leʼniya kavakamoʼa atamoʼmo kahaumo leno hano huno ataleʼniya kava huno leno apasa kalino apataleʼniye.

Aiyeya 42:25

Huʼnonaʼmofeʼmo aipamo leno nelateya kavaʼmo alopa anikana huno lagaeteʼmo lakiʼniye. Agaemo kame vayaʼmo alino apateʼnigeʼa eʼa lagaemo kamemo lahaeʼnae. Aipamo leno nelateya kavaʼamo ina kava huno atagana huno laleʼniye. Atamo laleʼniyaʼmonanafa alita olamalagiʼnone. Ageta alagepa osuʼnonaʼmofeʼmo kavatimo oʼataleʼnone.

Sefanaiya 3:8

Ala kava neʼmoʼa hunoʼaeʼmo, Agoti huʼna apatesuvafeʼmo nagava maiʼnigeʼnao. Nagaemo naipamo leʼnisigeʼna kayoʼmo apamisuvafeʼmo muki nofi vayaʼmo apavaleʼna aliʼna anupa huʼna apategauve, huʼna hu maleʼnove. Lusi kava huno naipamo leʼniyanageʼna kaino nefauva kavaʼniletiʼmo muki ma mopafi vayaʼmo aliʼna hano huʼna apatalegauve.