Samu 76:12 - The Keyagana NT and 25 OT books

¹² Agaemo neʼyagaiya vayaʼmo alino afepiʼmo neʼapate. Agaemo ma mopafi kini vayaʼaina koli hisaya yaʼmo neʼapamiye.

Samu 76:12 ပူးပေါင်းရင်းမြစ်များ

Samu 2:10

Ani ge huʼniyaʼmofeʼmo kini vayaʼmogitapae, huʼna, alagepa hutapa afiyo. Ma mopafiʼmo yagaiʼnaya vayaʼmogitapae, huʼna, ehetapiye.

Samu 2:5

Aipamo leno apatetenoʼaeʼmo lokiya gefatiʼmo nehigeʼapaeʼmo atete nehae.

Samu 47:2

Ala kava neʼmo hogote anaga vekamo maiʼniyanagi agaefeʼmo koli hiyo. Agaemo ala kini vekamoʼmo muki ma mopafi vayaʼaiteʼmo yagaino neʼapate.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 68:12

Apakaemo huʼapaeʼmo, kini vayaʼe ami vayaʼapiʼeʼmo apaune heʼnae, huʼa hapa paiʼnae. Noʼapilegamo maiʼnaya aʼne anagaʼmogimo kamefatiʼmo aliʼnaya yaʼmo fako huʼnae.

Samu 68:35

Gotiʼa aote mono noʼafiʼmo maiʼnenoʼaeʼmo ageʼneʼaigeʼapaeʼmo hapau neʼaiya Gotiʼmo maiʼniye, huʼa nehae. Agaemo agaiʼa vayaʼaina himamuʼaʼe lokiyaʼaʼeʼmo alino neʼapamiye.

Sefanaiya 3:6

Ala kava neʼmoʼa hunoʼaeʼmo, Nagaemo alu vaya alu vayaʼmo aliʼna hano huʼna apataleʼnove. Muki taoniʼapimo aliʼna hano huʼna atalesugeno no atufaʼageʼmo hanege yafa kegiʼyamo amagiʼa naku paege kateʼmo umenitata hisaya vayaʼmo oʼmaige hugae.

Yasuva 5:1

Emo nofi vayaʼmo yegemo uno lamino nefaleya haopalega Yoneni anitegamo maiʼnageʼapaeʼmo Kenani nofi vayaʼmo alopa solovala aniʼmo Meteleniyani ani haigifiʼmo maiʼnae. Ala kava neʼmoʼa Isaleli vayaʼmogi Yoneni aniʼmo lakaegefeʼmo huʼnaya afinaʼmo aniʼmo alino hau hu maleʼnigeʼa lakaeʼnae, huʼa huʼnaya gemo Emo vayaʼaiteʼmo neʼyagaiya kini vayaʼmogiʼe Kenani vayaʼaiteʼmo neʼyagaiya kini vayaʼmogiʼeʼmo afiteʼapaeʼmo Isaleli vayaʼaifeʼmo koliʼapimo huʼnagenoʼaeʼmo kame hisaya lokiyaʼapimo ago hano huʼniye.

Leveleseni 6:15

Hutegeʼapaeʼmo ma mopafi ala kini vayanagi yagaiʼa neʼapataya vayanagi ati vayaʼaiteʼmo yagaiʼa neʼapataya vayanagi kagemi yaʼapiʼe vayanagi lokiya vayanagi muki kalavusi aliʼyaʼmo neʼaliya vayanagi afaʼa neʼmaiya vayanagi huʼa muki vayaʼamo uʼa yafa kapiʼmo fala kige avefiʼmo haneʼniya yafa kapiʼmo uʼa haiʼa fala kige huʼnae.