Samu 76:10 - The Keyagana NT and 25 OT books

¹⁰ Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Samu 76:10 ပူးပေါင်းရင်းမြစ်များ

Aepa Gemae 50:20

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

Samu 104:9

Kagaemo hakuʼmo ago male maleʼnananageno solovala aniʼmoʼa ani hakuʼmo afaʼa aeno ha olegaiye. Afaʼa aeno ha olegaiyaʼmofeʼmo solovala aniʼmoʼa halate muki mopamo aeno ati okaegaiye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 46:6

Alu nofi vayaʼe alu nofi vayaʼeʼmo apayamukiki huʼa kame huteʼapaeʼmo yagaiʼa neʼapataya vayaʼe vayaʼapiʼeʼmo alagi asagauʼa aiʼnae. Gotiʼa alopa gefatiʼmo ge nehigenoʼaeʼmo lokiyaʼapimo alagi hano huʼniye.

Samu 65:7

Kagaemo solovala aniʼmoʼa alopa gefatiʼmo nehigekaeʼmo vase huka hano huka nehana kava huka vayaʼmogimo kaveta huʼapaeʼmo alopa gemo nehaya geʼapimo alika hano huka neʼatalane.

Samu 82:8

O Gotiyo, huʼna, Kagaemo muki nofi vayaʼaiteʼmo yagaika apateʼnanagi he tika muki ma mopafi vayaʼmo agoti huka apato.

Hatu maeno apate'niya gemae 18:11

Isipi vayaʼmogi gotiʼapimogimo himu lapateteʼa apakiʼapileʼmo aliʼa asaga huʼnayaʼmonanafa Ala kava neʼmoʼa muki gotigimo ago aeno apaka seʼniyaʼmofeʼmo hemenimo nagaemo ageʼnovana Ala kava neʼmoʼa alu gotigimo alagi ago aeno apaka seʼniye, huʼna ageʼnove, huno ha paiʼniye.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Matiyu 24:22

Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Yoni 19:22

Pailatiʼa hunoʼaeʼmo, haʼao, huno, avoʼmo ago kae maleʼnovaʼmofeʼmo ani gemo alagikeʼmo kae maleʼnove, huno hapa paiʼniye.

Lomu 9:17

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, yagaino neʼapateya kini vekamo Felofeʼmo hunoʼaeʼmo, Ina kavatefeʼmo aliʼna he tiʼna kateʼnove. Nagaemo himamuʼnimo kagaetetiʼmo aliʼna apave lisugeʼapaeʼmo ma mopafi muki haopalegamo maiʼnaya vayaʼmogimo ala nagi vekamoʼna nava gemo aeʼa hakalo huʼa hapa paisayafeʼmae, huno ha paiʼniye.

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.