Samu 75:10 - The Keyagana NT and 25 OT books

¹⁰ Gotiʼa hosu vayaʼai lokiyaʼapimo alino hano huno atalegaiyaʼmonanafa agaemo fatago vayaʼai lokiyaʼapimo magoʼe huno alino lokiya vaino apategaiye.

Samu 75:10 ပူးပေါင်းရင်းမြစ်များ

Samu 101:8

Malage huʼna he tiʼna hosu vayaʼmo aliʼna hano huʼna apataleteʼna hosu kavaʼmo nehaya vayaʼmo Ala kava neʼmo taonifatiʼmo aliʼna hapa faiʼna apatalegauve.

Samu 148:14

Muki vayaʼmogimo agiʼaleʼmo aliʼa asaga hisayafeʼmo alino lokiya vaino apateʼniye. Isaleli vayaʼamogimo Ala kava neʼmo aulagaleʼmo maiʼnageno apakaefeʼmo hau ayamopafiʼmo hauʼniye. Ala kava neʼmo agiʼaleʼmo alita asaga hiyo.

Samu 89:17

Ha le konali himamuʼapimo kagaetegatiʼmo aliʼnae. Kagaemo fiku laha maeka lamiʼnanageta aeta apakaseʼnone.

Samu 92:10

Ani kavaʼmo huʼa maigayaʼmonanafa kagaemo afela ve pulumakamo lokiyagana agufa lokiyaʼmo namiʼnane. Saufa uveliletiʼmo faleʼa apateʼnaya vayaʼmogi alagepa huʼa maiʼnaya kava huʼna maiʼneʼna namogaga neʼauve.

Luki 1:69

Agaemo aliʼyaʼamo neʼaliya vekaʼamo Nevini vayapatiʼmo lokiya vekamo lagufamo alino katino latesiya vekamo ago alino afole aino ateʼniye.

1 Samiyo 2:1

Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.